Marathi Entertainment News : सध्या मराठी सिनेविश्वात अनेक नवनवीन सिनेमे प्रेक्षकांच्या भेटीस येत आहेत. काही महिन्यांपूर्वीच अभिनेता, निर्माता श्रेयस तळपदेने त्याच्या आगामी मर्दिनी या सिनेमाची घोषणा केली. या सिनेमाचं पहिलं मोशन पोस्टर सोशल मीडियावर रिलीज करण्यात आलं. या पोस्टरवरील अभिनेत्री प्रार्थना बेहेरेचा लूक व्हायरल झाला आहे.

आई तारी त्याला कोण मारी अशी टॅगलाईन या पोस्टरला देण्यात आली आहे. तर पोस्टरवरील प्रार्थनाच्या लूकने लक्ष वेधून घेतलं आहे. हातात कुऱ्हाड, डोळ्यात अंगार आणि नराधमांचा नायनाट करण्यासाठी सज्ज असलेल्या आईच्या भूमिकेत प्रार्थना दिसते आहे. सोशल मीडियावर हे पोस्टर चर्चेत आहे.