मोठी बातमी समोर येत आहे, जालन्यामध्ये ज्येष्ठ वकील गुणरत्न सदावर्ते यांच्या वाहनावर शाईफेक करण्यात आली आहे. समोर आलेल्या माहितीनुसार मनसेच्या कार्यकर्त्यांकडून शाईफेक करण्यात आली आहे. या प्रकरणात पोलिसांनी काही कार्यकर्त्यांना ताब्यात देखील घेतलं आहे. गेल्या काही दिवसांपासून गुणरत्न सदावर्ते यांच्याकडून सातत्याने मनसेवर आणि मनसेचे प्रमुख राज ठाकरे यांच्या टीका करण्यात येत होती. याविरोधात आता मनसे चांगलीच आक्रमक झाल्याचं पहायला मिळत आहे. जालन्यामध्ये गुणरत्न सदावर्ते यांच्या गाडीवर शाईफेक करण्यात आली आहे. सदावर्ते यांच्या वाहानावर यावेळी सुपारी देखील फेकण्यात आल्या आहेत.  जालना शहरातील विशाल कॉर्नर भागात ही घडना घडली आहे. दरम्यान यामुळे आता वातावरण आणखी तापण्याची शक्यता आहे.

घटनेबाबत अधिक माहिती अशी की जालना शहरातील विशाल कॉर्नर परिसरात ही घटना घडली आहे. विशाल कॉर्नर परिसरामध्ये गुणरत्न सदावर्ते यांची गाडी येताच मनसेच्या कार्यकर्त्यांकडून त्यांच्या वहनावर सुपाऱ्या आणि शाई फेकरण्यात आली. या घटनेनं या परिसरात काही काळ चांगलाच गोंधळ उडाला होता. शेवटी पोलिसांनी आक्रमक झालेल्या मनसे कार्यकर्त्यांना ताब्यात घेतलं आहे. राज ठाकरे यांच्यावर टीका केल्यानं मनसे कार्यकर्त्यांनी गुणरत्न सदावर्ते यांच्या वाहनावर शाईफेक केल्याची माहिती समोर येत आहे.

राज ठाकरेंवर सातत्याने टीका 

दरम्यान गुणरत्न सदावर्ते हे सातत्याने मनसे आणि राज ठाकरे यांच्यावर टीका करत असतात. काही दिवसांपूर्वी मराठीच्या मुद्द्यावर मनसेनं घेतलेल्या भूमिकेवर देखील त्यांनी चांगलीच टीका केली होती. त्यांनी मनसे प्रमुख राज ठाकरे यांच्यावर देखील जोरदार हल्लाबोल केलं होता.  यापूर्वी देखील गुणरत्न सदावर्ते यांनी अनेकदा मनसेवर टीका केली आहे. त्यानंतर आता मनसेच्या कार्यकर्त्यांकडून सदावर्ते यांच्या गाडीवर शाईफेक करण्यात आली आहे.

वातावरण तापणार 

दरम्यान मनसेकडून गुणरत्न सदावर्ते यांच्या वाहनावर शाईफेक करण्यात आली आहे. या घटनेमुळे आता वातावरण तापण्याची शक्यता आहे. या घटनेवर अद्याप सदावर्ते यांच्याकडून कोणतीही अधिकृत प्रतिक्रिया समोर आलेली नाहीये.