नाशिकमधल्या टीसीएस कंपनीतल्या धर्मांतर प्रकरणातली आरोपी निदा खानला घरात आश्रय देणं संभाजीनगरचे MIMचे नगरसेवक मतीन पटेलला चांगलंच भोवणार असल्याचं दिसतंय. या प्रकरणात सहआरोपी केल्यानंतर आता मतीन पटेलचं नगरसेवकपदही धोक्यात आलंय. तसा इशाराच महापौर समीर राजूरकर दिलाय.
Nida Khan : धर्मांतर प्रकरणाची सूत्रधार निदा खानचे राजकीय कनेक्शन उघड; 'त्या' नेत्यानं लपायला केली मदत, धक्कादायक अपडेट समोरफरार झालेल्या निदाच्या अटकेनंतर मतीन पटेल आणि निदा खानचं कनेक्शन उघड झालं होतं...
23 मार्चला भिवंडीतून बेपत्ता झालेली निदा खान छत्रपती संभाजीनगरमधील नारेगाव भागात एका फ्लॅटमध्ये लपून बसली होती. धक्कादायक बाब म्हणजे, हे घर MIMचे नगरसेवक मतीन पटेलचे असल्याचे प्राथमिक तपासात समोर आले आहे. या काळात निदा आणि तिच्या कुटुंबाला किराणा, चिकन आणि इतर दैनंदिन वस्तू पुरवण्याचे काम नगरसेवकाच्या ड्रायव्हरमार्फत केले जात असल्याचा संशय आहे. मतीन पटेलच्या कैसर पार्क येथील घरात निदा खान आणि तिचे संपूर्ण कुटुंब गुप्तपणे वास्तव्यास होते.
MIM नगरसेवकाचे पद रद्द होणार? छत्रपती संभाजीनगरचं राजकारण तापलंखरंतर, 'टीसीएस' कंपनीतील धर्मांतर आणि लैंगिक शोषण प्रकरणाचे धागेदोरे एमआयएमपर्यंत पोहोचलेत. एकीकडे, मतीन पटेल यांच्या नावावर असलेली घरे अनधिकृत असल्याचा दावा करण्यात येतोय. त्यामुळे मतीन पटेलच्या घरावर बुलडोझर चालण्याची शक्यता आहे. त्यामुळे निदाला मदत करणाऱ्या मतीनला घरासह नगरसेवकपदालाही मुकावं लागणार की काय याकडे सर्वांचं लक्ष लागलंय.
