Tigress Attack in Chandrapur : चंद्रपूर शहरातून एक अतिशय धक्कादायक बातमी समोर आली आहे. वाघाच्या हल्ल्यात 4 महिलांचा दुर्दैवी मृत्यू (Tigress Attack) झाल्याची घटना घडली आहे. चंद्रपूर जिल्ह्याच्या सिंदेवाही तालुक्यातील गुंजेवाही-पवनपार परिसरातील (Gunjewahi-Pawanpar area) हि घटना घडली आहे. मिळालेल्या माहितीनुसार, तेंदुपत्ता तोडण्यासाठी 13 महिला जंगलात गेल्या असताना यावेळी दबा धरून बसलेल्या वाघाने हल्ला केला. या हल्ल्यात 4 महिलांचा मृत्यू झाल्याची प्राथमिक माहिती मिळत आहे. (Tigress Attack in Chandrapur)
Tigress Attack in Chandrapur :एकाच वेळी चार महिलांच्या मृत्यूची राज्यातील पहिली घटना असण्याची शक्यता
दरम्यान, घटनेची माहिती मिळताच वन विभागाचे अधिकारी आणि पोलीस विभागाचे कर्मचारी घटनास्थळी दाखल झाले आहे. या प्रकरणाचा सविस्तर तपास झाल्यावर याबाबत अधिक माहिती मिळण्याची शक्यता. मात्र या घटनेमुळे परिसरात मोठा तणाव निर्माण झाला असून वाघाच्या हल्ल्यात एकाच वेळी चार महिलांच्या मृत्यूची जिल्ह्यातीलच नाही तर राज्यातील ही पहिली घटना असण्याची शक्यता वर्तवली झालेत आहे.
मिळालेल्या माहितीनुसार, वाघाच्या हल्ल्याची ही घटना गुंजेवाही-पवनपार या मार्गावर असलेल्या खैरीचक परिसरातील जंगलात घडली असून सर्व महिला या गुंजेवाही या गावातील रहिवासी आहे. त्या सर्व महिला भट्टी मोहल्ला वॉर्ड क्रमांक 1 येथे राहतात. तर मृतांची नावे खालील प्रमाणे आहेत
1) कविता दादाजी मोहुर्ले - 45
2) अनिता दादाजी मोहुर्ले - 46
3) संगीता संतोष चौधरी - 40
4) सुनीता कौशिक मोहुर्ले - 35
Bhnadara News: भंडाऱ्याच्या जवाहरनगर आयुध निर्माणी परिसरात वाघाचा थरार! नागरिकांमध्ये भीतीचं वातावरण
भंडाऱ्याच्या जवाहरनगर येथील आयुध निर्माणीच्या परिसरात दिवसाचं वाघाचं दर्शन झाल्यानं नागरिकांमध्ये मोठी दहशत पसरली आहे. आयुध निर्मितीच्या मुख्य मार्गालगत हा वाघ आला. सध्या तापमान 45 अंश सेल्सिअसच्या घरात पोहचला असून मानवासह प्राण्यांचीही प्रचंड उकाड्यामुळे ससेहोलपट होत आहे. शरीराची होणारी लाहीलाही मिटविण्यासाठी हा वाघ पाण्याचा छोटासा स्रोत असलेल्या जागेवर बस्तान मांडून आराम करीत असल्याचा येथून जाणाऱ्या एका नागरिकानं हा व्हिडिओ त्यांच्या मोबाईलमध्ये चित्रित केला असून तो सध्या सोशल मिडियावर प्रचंड व्हायरल होतोय. आयुध निर्माणी परिसरासोबतचं पेवठा ते जवाहरनगर मार्ग आणि डीएससी पलटून टी-पॉईंट उतार (घोडदौड) कोंडी मार्गावरही अनेक नागरिकांना हा वाघ दिसला. हा परिसर नेहमीच वर्दळीचा असल्यानं रस्त्यावरून ये-जा करणाऱ्या वाहनधारकांची वाघाला पाहून घाबरगुंडी उडाली. 15 दिवसांपूर्वी या परिसरात मध्यरात्री वाघ बघायला मिळाला होता. त्यानंतर आता दिवसाचं वाघाचं दर्शन झाल्यानं वन विभागानं या भागात गस्त वाढवावी, अशी मागणी नागरिकांकडून होत आहे.
इतर महत्वाच्या बातम्या
