ஐசிசி மகளிர் டி20 உலக கோப்பை 2026 (ICC Womens World Cup 2026) போட்டித்தொடரானது வருகின்ற 2026 ஜூன் 12ம் தேதி முதல் தொடங்கி, வருகின்ற 2026 ஜூலை 5ம் தேதியுடன் இறுதிப் போட்டியுடன் முடிவடைகிறது. இத்தொடரின் 10வது பதிப்பை இங்கிலாந்து நடத்துகிறது. 2026 டி20 மகளிர் உலகக் கோப்பையில், 7 ஸ்டேடியங்களில் 12 அணிகளுக்கு இடையே 33 போட்டிகள் நடைபெற உள்ளன. நடப்பு சாம்பியனான நியூசிலாந்து தங்களது பட்டத்தைத் தக்கவைத்துக் கொள்ள முயற்சிக்கும். அதே வேளையில், நெதர்லாந்து மகளிர் டி20 உலகக் கோப்பையில் முதல் முறையாகப் பங்கேற்கிறது. போட்டித் தேதிகள், நேரங்கள் மற்றும் இடங்கள் உட்பட, ஐசிசி மகளிர் டி20 உலகக் கோப்பை 2026-க்கான முழு அட்டவணையை தெரிந்து கொள்வோம்.

ALSO READ: விரைவில் முடியும் ஐபிஎல்.. அடுத்த 6 நாட்களில் சர்வதேச போட்டி.. இந்திய அணியின் அட்டவணை இதோ!

ALSO READ: குடியரசு தலைவர் கைகளால் பத்மஸ்ரீ.. கௌரவம் பெற்ற ஹர்மன்பிரீத் கவுர்!

2026 மகளிர் டி20 உலகக் கோப்பைக்காக, 12 அணிகள் இரண்டு குழுக்களாகப் பிரிக்கப்பட்டுள்ளன. ‘ஏ’ குழுவில் இந்தியா, பாகிஸ்தான், தென்னாப்பிரிக்கா, ஆஸ்திரேலியா, வங்கதேசம் மற்றும் நெதர்லாந்து ஆகிய அணிகளும், ‘பி’ குழுவில் இங்கிலாந்து, நியூசிலாந்து, இலங்கை, வெஸ்ட் இண்டீஸ், ஸ்காட்லாந்து மற்றும் அயர்லாந்து ஆகிய அணிகளும் இடம்பெற்றுள்ளன. இந்த ஐசிசி தொடரிலும் இந்தியாவும் பாகிஸ்தானும் மீண்டும் ஒரே குழுவில் இடம்பெற்றுள்ளன.