Tharla Tar Mag: ठरलं तर मग मालिकेत गेल्या काही दिवसांपासून अनेक ट्वीस्ट पाहायला मिळतायत. प्रिया- नागराज आणि महीपतच्या पापांचा घडा भरलाय. त्यामुळे त्या तिघांनाही शिक्षा झालीय. आता मालिकेत प्रेक्षकांना एक वेगळंचं वळण पाहायला मिळणार आहे. आता मालिकेत खरी तन्वी कोण आहे याचा उलगडा होणार आहे. गेल्या काही दिवसांपासून सायलीला वेगवेगळे भास होत असतात. तन्वीच्या आयुष्याबद्दल आपल्याला इतकं कसं माहिती? अशी शंका तिच्या मनात येते. तिची खरी ओळख आता फक्त तिघांनाच माहित आहे. मधुभाऊ, प्रिया आणि नागराज. मधुभाऊ कोमात असल्यामुळे ते सायलीची ओळख सांगू शकत नाहीत. प्रिया आणि नागराज ती सांगणार नाहीत. मग सायलीचा तन्वी आहे हे सर्वांसमोर कसे येणार ? असा प्रश्न मालिकेच्या चाहत्यांना पडला. पण आता स्टार प्रवाहने या संदर्भातील एक प्रोमो शेअर केला आहे. आता तन्वीच्या मदतीला तिची आईच धावून येणार आहे.
स्टार प्रवाहने शेअर केलेल्या प्रोमोमध्ये सायली आणि प्रतिभा एकमेकींची गप्पा मारत बसलेल्या असतात. यात प्रतिमा साईलीला तन्वीच्या लहानपणीच्या काही गोष्टी दाखवत असते. एका कॅसेटमध्ये तन्वीचा लहानपणीचा आवाजही रेकॉर्ड असतो. तन्वी जेव्हा हे रेकॉर्डिंग ऐकते त्यावेळी तिच्या डोळ्यासमोर पुन्हा एकदा आकृत्या दिसू लागतात. आणि तिच्या लक्षात येतं की तिच्या कानात गेले काही दिवस ज्या लहान मुलीचा आवाज घुमतोय तो तन्वीचा आहे.
View this post on Instagram
एक जूनपासून या मालिकेतील हे भाग प्रेक्षकांना पाहता येणार आहेत. शिवाय मालिकेची वेळ पुन्हा एकदा साडेआठ वाजताची करण्यात आली आहे. शिवाय मागील काही दिवस ही मालिका 45 मिनिटे प्रसारित केली जात होती. आता ही वेळ पुन्हा अर्धा तास करण्यात आली आहे.
