Sayani Chakraborty Found Dead: रोहिणी पाराध्येच्या (Rohini Paradhye) निधनानंतर सोशल मीडियात (Social Media) खळबळ उडालेली असताना आणखी एका इन्फ्ल्युएंसरच्या निधनाच्या वृत्तामुळे (Entertainment) अनेकांना धक्का बसला आहे. आपल्या गावाकडेच्या व्हिडिओंसाठी आणि प्राण्यांवरील प्रेमासाठी ओळखली जाणारी लोकप्रिय सोशल मीडिया कंटेट क्रिएटरचा मृतदेह एका खोलीत लटकलेल्या अवस्थेत आढळला. तिचा मृतदेह तातडीने शवविच्छेदनासाठी जवळच्या रुग्णालयात पाठवण्यात आला. पोलिसांकडून या प्रकरणाचा अधिक तपास सुरू आहे. सयानी चक्रवर्तीच्या (वय वर्ष 23) निधनानंतर कुटुंबाला मोठा धक्का बसला असून, तिच्या चाहत्यांनी तिला श्रद्धांजली वाहिली.
पश्चिम बंगालच्या हुगली जिल्ह्यातील मोगरा क्षेत्रातील गजघंटा डेपाडा परिसरात सयानी वास्तव्यास होती. न्यूज 18च्या रिपोर्ट्सनुसार, पोलिसांना सयानीचा मृतदेह एका खोलीत लटकलेल्या अवस्थेत सापडला. यानंतर पोलिसांनी तिचा मृतदेह ताब्यात घेऊन शवविच्छेनासाठी रुग्णालयात पाठवले. पोस्टमार्टम रिपोर्ट समोर आल्यानंतर सत्य नेमकं काय, हे उघड होईल. दरम्यान, घटनास्थळावरुन अद्याप कोणतंही सुसाईड नोट सापडलेली नाही.
पोलीस आणि स्थानिक सूत्रांनी दिलेल्या माहितीनुसार, सयानीच्या निधनानंतर तिच्या चाहत्यांना मोठा धक्का बसला आहे. घटनेच्या केवळ एक दिवस आधी, सयानीने सोशल मीडियावर काही आनंदी असणारे फोटो शेअर केले होते. मिळालेल्या माहितीनुसार, इन्फ्ल्युएंसरने नुकतंच आपले पदवी शिक्षण पूर्ण केले होते. तिने आपल्या कॉन्वोकेशनचे फोटो सोशल मीडियात शेअर केले होते.
View this post on Instagram
कुटुंबाने पोलिसांना सांगितलं की, सयानी बऱ्याच काळापासून चिंतेत होती. ती प्रचंड अस्वस्थ होती. या दु:खद घटनेमुळे तरुण आणि सोशल मीडिया क्रिएटर्समधील मानसिक तणाव, मेंटल आरोग्याच्या समस्याबद्दलची चिंता पुन्हा एकदा समोर आली आहे. दरम्यान, सयानी चक्रवर्तीच्या निधनानंतर तिच्या चाहत्यांना मोठा धक्का बसला आहे. त्यांनी तिच्या पोस्टवर कमेंट करुन श्रद्धांजली वाहिली आहे.
महत्त्वाच्या इतर बातम्या:
गौतमी पाटील अन् भाऊ कदम पहिल्यांदाच एकत्र; 'हिल पोरी हिला' गाण्यात झळकणार, रिलीज डेटही समोर
सस्पेन्स थ्रिलरचा डंका; 'दृश्यम 3'नं दुसऱ्या रविवारीही मारली बाजी, लवकरच 100 कोटींचा टप्पा गाठणार
