ओटीटी प्लॅटफॉर्मवर सध्या एक मिस्ट्री थ्रिलर वेब सीरिज जोरदार ट्रेंड होत आहे. या सीरिजचा पहिला सिझनसुद्धा ओटीटीवर सुपरहिट ठरला होता. त्यानंतर आता दुसऱ्या सिझननेही धुमाकूळ घातला आहे. या सीरिजची कथा एका मर्डर मिस्ट्रीभोवती फिरते. चार दिवसांपूर्वीच ऑनलाइन स्ट्रीम झालेल्या या सीरिजने टॉप 10 यादीत स्थान मिळवलंय.
ओटीटीवर टॉपच्या वेब सीरिजना पछाडत ही सीरिज टॉप 10 ट्रेंडिंग लिस्टमध्ये पोहोचली आहे. ‘वेडन्स्डे’च्या एनिड उर्फ एम्मा मायर्सची ही वेब सीरिज असून त्याचं नाव ‘अ गुड गर्ल्स गाइड टू मर्डर सिझन 2’ आहे. या सीरिजचा पहिला सिझन 2024 मध्ये प्रदर्शित झाला होता.

या वेब सीरिजमध्ये एम्मा मायर्स, जैन इक्बाल, आशा बँक्स, हेनरी एश्टन, कार्ला वुडकोक यांनी मुख्य भूमिका साकारल्या आहेत. या सीरिजची कथा एका शांत इंग्लिश टाऊनमधल्या 17 वर्षीय मुलीच्या हत्येभोवती फिरते. दुसऱ्या सिझनची कथा पाच वर्षांनी पुढे सरकते आणि पिप फिट्ज (एम्मा मायर्स) या हत्येचं गूढ उकलण्याचा प्रयत्न करते.