वजन कमी करण्यासाठी फक्त व्यायामच नाही तर, आहार देखील तितकाच महत्त्वाचा असतो. ज्यांना वजन कमी करायचं आहे, त्यांच्यासाठी आहारात अंडी असणं फार महत्त्वाचं आहे… पण वजन कमी करताना किती अंडी खायची? असा प्रश्न अनेकांच्या मनात उपस्थित होतो. एवढंच नाही तर, आपण अंड्यातील पिवळा बलक खाऊ शकतो का? असे अनेक प्रश्न आणि शंका आपल्या मनात येतात. त्यामुळे जाणून घ्या वजन कमी करण्यासाठी कोणत्या महत्त्वाच्या गोष्टी आणि टीप्स माहिती असल्या पाहिजे…

ज्यांना वजन कमी करायचं आहे, त्यांना अंड्यातील पिवळा बलक पूर्णपणे टाळण्याची गरज नाही. अंड्याच्या पांढऱ्या भागात फक्त प्रथिने असतात. पण, पिवळ्या बलकामध्ये जीवनसत्त्वे ए, डी, ई, बी12, लोह, जस्त, ओमेगा-3 फॅटी ॲसिड आणि कोलीन असतात, जे मेंदूच्या आरोग्यासाठी आवश्यक आहेत. अंड्याच्या पिवळ्या बलकामध्ये कोलेस्ट्रॉल असतं. पण आहारातील कोलेस्ट्रॉलचा आपल्या रक्तातील कोलेस्ट्रॉलवर तितक्या लवकर परिणाम होत नाही.

जर तुम्हाला उच्च कोलेस्ट्रॉल किंवा हृदयरोग असेल, तरच तुमच्या डॉक्टरांच्या सल्ल्यानुसार अंड्यातील पिवळ्या बलकाचे प्रमाण कमी करा. ज्यांना हे आजार नाहीत, त्यांच्यासाठी दिवसातून एक पिवळा बलक खाल्ल्याने वजन कमी होण्यास अडथळा येणार नाही, उलट शरीराला आवश्यक ऊर्जा मिळेल. केवळ अंडी खाल्ल्याने वजन कमी होण्यास मदत होणार नाही, ते तुम्ही ती कशी शिजवता यावर अवलंबून आहे.

ज्यांना वजन कमी करायचं आहे, त्यांच्यासाठी सकाळी नाश्त्यासोबत उकडलेली अंडी खाणं उत्तम आहे. यामुळे दिवसभर शरीराची चयापचय क्रिया चांगली राहण्यास मदत होईल. जर ऑम्लेट बनवायचंच असेल, तर ते नॉन-स्टिक पॅनमध्ये थोडेसे ऑलिव्ह तेल किंवा खोबरेल तेल वापरून बनवणे उत्तम. तेल जास्त झाल्यास, अंडी खाण्याचे सर्व फायदे नाहीसे होतील.

जर तुम्ही जिममध्ये जात असाल किंवा जोरदार व्यायाम करत असाल, तर तुमच्या शरीराला अधिक प्रथिनांची गरज असते. एका मोठ्या उकडलेल्या अंड्यामध्ये सुमारे 6 ग्रॅम प्रथिने असतात. डॉक्टर लहान मुलांना देखील अंडी खाण्याचा सल्ला देतात. पण तुम्हाला कोणत्या समस्या असतील तर, डॉक्टरांचा सल्ला नक्की घ्या… ज्यामुळे कोणती अडचण येणार नाही.