Chittoor Liquor Bottles Loots: कोणी खिशात दडवली, तर कुणी लुंगीत लपवली. काहींनी तर कार्टनचे कार्टनच पळवले. काहींनी मित्रांसोबत बॉक्स पळवले. दारूचा ट्रक उलटताच एकच गर्दी उसळली. ट्रक चालकाला कोणीही मदत केली नाही. लोकांनी जमेल तसा माल लांबवला. बाटल्या पळवण्यात महिलांही आघाडीवर दिसल्या. काहींनी दारूच्या बाटल्या पळवण्यासाठी पिशव्या आणल्या होत्या. ही घटना आंध्र प्रदेशातील चित्तूर इथे घडली. या घटनेचा व्हिडिओ काहींनी कॅमेऱ्यात कैद केला. हे व्हिडिओ सोशल मीडियावर व्हायरल झाले आहेत.

ट्रक उलटताच, दारु पळवण्यासाठी उसळली गर्दी

दारूची लूट करण्यासाठी लोकांनी एकच गर्दी केली. चित्तूर शहराच्या बाहेरील परिसरात ही घटना घडली. दारुचा ट्रक उलटला. महामार्गावर दारूच्या बाटल्या लुटण्यासाठी गर्दी जमली. अनेक बाटल्या आणि कार्टन रस्त्यावर विखुरले. ते लुटण्यासाठी नागरिक धावले. शुक्रवारी ही घटना घडली. लोकांनी वाहनांवर, थैल्यांमध्ये, मिळेल त्या मार्गाने दारूच्या बाटल्या लांबवल्या. बाटल्या पळवण्यात काही महिलाही दिसून आल्या. काही लोकांनी या घटनेचा व्हिडिओ रेकॉर्ड करून सोशल मीडियावर शेअर केला.

कुणी लुंगीत लपवली, कोणी थैलीत लपवल्या बॉटल

एका व्हिडिओत दुर्घटनास्थळी लोकांची मोठी गर्दी दिसत आहे. लोक हातातील मिळेल तितक्या दारुच्या बॉटल लांबवल्या. काहींनी कार्टन, बॉक्स लांबवले. तर काहींनी लुंगीत, टॉवेलमध्ये आणि बॅगमध्ये भरून बॉटल नेल्या. अनेक महिला सुद्धा या गर्दीत दारुचे कार्टन लांबवताना दिसल्या. पोलिस घटनास्थळी पोहचेपर्यंत लोकांनी एक मोठा भाग लंपास केला होता. वाहन चालकाला कुणीच मदत केली नाही. यामुळे दारु दुकानाच्या आणि पुरवठादाराला मोठे नुकसान झाले.

पोलिस येण्यापूर्वीच अर्धा साठा गायब

पोलिस घटनास्थळी पोहचण्यापूर्वीच दारूचा अर्धा साठा गायब झाला. तर पोलिस आल्यानंतर उर्वरीत साठा सुरक्षित ठेवण्यात यश आले. पुरवठादाराला या घटनेने मोठे नुकसान झाले. त्याच्या मते पोलीस येण्यापूर्वीच आर्धा साठा लांबवला गेला. या घटनेत काही लोक पडले. पण कुणाला इजा झाली नाही. पोलिसांनी याप्रकरणी गुन्हा नोंदवला आहे. पण इतक्या दारूच्या बॉटल जप्त करण्याचे मोठे आवाहन पोलिसांसमोर आहे. आता हा साठा कधीच हाती येणार नाही असे पुरवठादार म्हणाला. तर लोकांनी मदत करण्याऐवजी दारू लाबंवल्याचा आरोप वाहन चालकाने केला.