इंग्लंड क्रिकेट टीमने मायदेशात न्यूझीलंड विरूद्धच्या 3 सामन्यांच्या कसोटी मालिकेत जबरदस्त सुरुवात केली आहे. इंग्लंडने ऐतिहासिक लॉर्ड्स क्रिकेट ग्राउंडमध्ये पहिल्या सामन्यातील चौथ्याच दिवशी रविवारी 7 जून रोजी न्यूझीलंडवर 115 धावांनी विजय मिळवला. इंग्लंडने या विजयासह 3 सामन्यांच्या मालिकेत 1-0 अशी आघाडी घेतली आहे. यजमान इंग्लंडने न्यूझीलंडसमोर 254 धावांचं आव्हान ठेवलं होतं. मात्र इंग्लंडने न्यूझीलंडला 138 रन्सवर गुंडाळलं. ओली रॉबिन्सन आणि गस एटकीन्सन या दोघांनी इंग्लंडच्या विजयात बॉलिंगने प्रमुख योगदान दिलं. मात्र ओली रॉबिन्सन याला’मॅन ऑफ द मॅच’ पुरस्काराने गौरवण्यात आलं.
न्यूझीलंडने टॉस जिंकून इंग्लंडला बॅटिंगसाठी भाग पाडलं. न्यूझीलंडच्या गोलंदाजांनी कर्णधार टॉम लॅथम याचा निर्णय योग्य ठरवला. न्यूझीलंडने इंग्लंडला 140 रन्सवर गुंडाळलं. इंग्लंडसाठी हॅरी ब्रूक याने सर्वाधिक 56 धावा केल्या. हॅरीच्या या खेळीमुळे इंग्लंडला 100 पार मजल मारता आली. तर न्यूझीलंडसाठी कायल जेमीसन याने सर्वाधिक 5 विकेट्स मिळवल्या.
इंग्लंडला 140 धावा करुनही पहिल्या डावात 27 धावांची आघाडी मिळाली. इंग्लंडने न्यूझीलंडला पहिल्या डावात 113 रन्सवर ऑलआऊट केलं. इंग्लंडसाठी ओली रॉबिन्सन याने सर्वाधिक 5 विकेट्स मिळवल्या.
इंग्लंडकडे पहिल्या डावातील 27 धावांची आघाडी होती. तर इंग्लंडने दुसऱ्या डावात 226 धावांपर्यंत मजल मारली. इंग्लंडला 200 पार पोहचवण्यात डेब्युटंट एमिलियो गे याने सर्वाधिक योगदान दिलं. गे याने 57 धावा केल्या. त्यामुळे न्यूझीलंडला 254 धावांचं आव्हान मिळालं. तर न्यूझीलंडसाठी नॅथन स्मिथ याने सर्वाधिक 6 विकेट्स मिळवल्या.
न्यूझीलंडला दुसऱ्या डावात कमबॅक करुन विजयी होण्याची संधी आहे. मात्र न्यूझीलंडच्या फलंदाजांनी दुसऱ्या डावातही इंग्लंडच्या गोलंदाजांसमोर गुडघे टेकले. इंग्लंडने न्यूझीलंडला 40.3 ओव्हरमध्ये 138 रन्सवर ऑलआऊट केलं.
इंग्लंडची विजयी सलामी
इंग्लंडसाठी ग्लेन फिलिप्स याने सर्वाधिक आणि नाबाद 44 धावा केल्या. डेव्हॉन कॉनव्हे याने 41 धावा जोडल्या. तर केन विलियमसन याने 18 रन्स केल्या. या व्यतिरिक्त एकालाही दुहेरी आकडाही गाठता आला नाही. इंग्लंडसाठी गस एटकीन्सन याने सर्वाधिक 5 विकेट्स घेतल्या. ओली रॉबिन्सन आणि जोश टंग या दोघांनी प्रत्येकी 2-2 विकेट्स घेतल्या. तर कॅप्टन बेन स्टोक्स याने 1 विकेट मिळवली.
