लोकप्रिय युट्यूबर आणि 'बिग बॉस ओटीटी ३' मध्ये दिसलेला अरमान मलिक सध्या सोशल मीडियावर चर्चेत आहे. नुकताच त्याने त्याचा एक ब्लॉग अपलोड केला होता. मात्र या ब्लॉगमधली एक क्लिप प्रचंड व्हायरल होतेय ज्यात तो त्याच्या पत्नीला असं काहीतरी बोलतोय ज्यामुळे नेटकऱ्यांमध्ये संतापाची लाट उसळली आहे. अरमान त्याच्या दोन्ही पत्नींच्या कपड्यांबद्दल त्यांच्याशी बोलतोय. मात्र त्याने ज्या पद्धतीने त्यांच्या कपड्यांबद्दल भाष्य केलंय नेटकरी त्याच्यावर भडकले आहेत. असं तो काय म्हणालाय?

या व्हिडिओमध्ये अरमान त्याच्या दोन्ही बायकांसोबत दिसतोय. या व्हायरल व्हिडीओमध्ये अरमान पायलकडे तक्रार करतो की त्याने तिच्यासाठी नवीन नाईटी विकत घेतली, पण तरीही ती सकाळी टी-शर्ट आणि हाफ पँट घालून बाहेर आली. त्यावर पायल त्याला उत्तर देताना म्हणते की, ती बाळाची काळजी घेण्यात व्यस्त होती, त्यामुळे तिला तिच्या कपड्यांकडे फारसं लक्ष देता आलं नाही. त्यावर अरमान जे म्हणतो ते ऐकून सगळेच त्याच्यावर संतापलेत.