• विधान परिषद निवडणुकीपूर्वी सोलापुरात राजकारण फिरलं

• तीर्थक्षेत्र विकास आघाडीच्या १३ पैकी ९ नगरसेवकांचा भाजपला पाठिंबा

• अनिल सावंत यांच्या नेतृत्वाखाली नगरसेवकांनी पालकमंत्री जयकुमार गोरे यांची भेट घेतली

• या नगरसेवकांनी भाजप उमेदवार राजेंद्र राऊत यांना समर्थन देण्याचा निर्णय केला जाहीर

विधान परिषद निवडणुकीच्या रणधुमाळीमध्ये सोलापुरमध्ये मोठी राजकीय घडामोड घडली आहे. सोलापुरमध्ये भाजपची ताकद वाढली आहे. शिवसेनेचे नेते अनिल सावंत यांच्या नेतृत्वाखाली तीर्थक्षेत्र विकास आघाडीच्या ९ नगरसेवकांनी भाजपला पाठिंबा दिला आहे. सोलापूर विधान परिषद निवडणुकीच्या निमित्ताने पालकमंत्री जयकुमार गोरे यांनी भालकेना धोबीपछाड दिला आहे. अनिल सावंत यांच्या नेतृत्वाखाली १३ पैकी ९ नगरसेवकांनी पालकमंत्र्यांची भेट घेतली.

पंढरपूरनगरपालिकेत तीर्थक्षेत्र विकास आघाडीचे १३ नगरसेवक आहेत. नगरपालिका निवडणुकीत भगीरथ भालकेंनी पालकमंत्री जयकुमार गोरे आव्हान दिले होते. आता विधान परिषदेच्या निवडणुकीच्या निमित्ताने जयकुमार गोरे यांनी भालके यांच्या नेतृत्वाखालील तीर्थक्षेत्र आघाडीचा करेक्ट कार्यक्रम केला आहे. त्यामुळे मतदान होईपर्यंत पालकमंत्री जय कुमार गोरे अजून किती धक्के देतात हे पाहावे लागेल.

माजी आरोग्य मंत्री आणि शिवसेना नेते तानाजी सावंत यांचे पुतणे अनिल सावंत यांच्या नेतृत्वाखाली ९ नगरसेवकांनी जयकुमार गोरे यांची भेट घेतली. या सर्व नगरसेवाकांनी भाजप उमेदवार राजेंद्र राऊत यांना आपला पाठिंबा असल्याचे सांगितले आहे. तसंच महाविकास आघाडीचे उमेदवार वसंतराव देशमुख हे सुद्धा पंढरपूर पंचायत समिती सभापती निवडीत भाजपसोबत होते. त्यामुळे निवडणुकीपूर्वी काय- काय होत ते कळेल असे जयकुमार गोरे यांनी सांगितले.