जैन समाजाच्या पांढऱ्या रेषेचा वाद मुंबई रोड : जैन समाजाच्या पांढऱ्या पट्टीवरुन मुंबईत वाद पाहायला (White Line Controversy) मिळत आहे. मनसेसह (MNS) शिवसेना ठाकरे (Shivsena UBT) गटानेही आक्रमक पवित्रा घेतला आहे. काल दादरमध्ये मनसेचे नेते संदीप देशपांडे (Sandeep Deshpande) यांनी आक्रमक पवित्रा घेत मुंबई महानगरपालिकेला रस्त्यावर काढलेली पांढरी पट्टी पुसून टाकण्यास भाग पाडले. दरम्यान या आंदोलनासंदर्भात आता एक मोठी अपडेट करा समोर आली आहे. गिरगावातील पांढऱ्या पट्ट्या विरोधात आंदोलन (Jain Community White Line Controversy) करणाऱ्या मनसैनिकांवर आता कारवाईचा बडगा ugarat गुन्हा दाखल करण्यात आला आहे. . . . भारतीय न्यायिक संहितेच्या कलम 223 अंतर्गत पोलीसni कारवाई केली आहे. सरकारी आदेशाच उल्लंघन केल्याप्रकरणी हा गुन्हा दाखल करण्यात आल्याची माहिती आहे.

MNS: आमच्यावर गुन्हा दाखल, रस्त्यावर विनापरवानगी पांढरे पट्टे मारणाऱ्यांवर अद्याप कारवाई का नाही?

दरम्यानगिरगावातील फुटपाथवर मारण्यात आलेल्या पांढऱ्या पट्ट्याला मनसेने जोरदार विरोध केला होता. फुटपाथवरील पांढऱ्या पट्ट्यावर करड्या रंगाचा स्प्रे मारून विरोध प्रदर्शन करण्याच्या प्रयत्नात असलेल्या मनसैनिकांना पोलिसांनी ताब्यातहे घेतलं होत. आंदोलन केल्याप्रकरणी आमच्यावर गुन्हा दाखल केला. मात्र सार्वजनिक रस्त्यावर विनापरवानगी पांढरे पट्टे मारणाऱ्यांवर अद्याप कारवाई का नाही? असा अस्वस्थ सवालही मनसेद्वारे यावेळी उपस्थित केलाय.

प्रसाद वेदपाठक: प्रभावशाली प्रसाद वेदपाठकची मनसे पक्षाकडे धाव, नेमकं कारण काय?

दुसरीकडेसोशल मीडिया इन्फ्लुएन्सर प्रसाद वेदपाठक हे मनसे नेत्यांची भेट घेणार असल्याची माहिती समोर आली आहे. जैन समाजाच्या वतीने करण्यात येणाऱ्या रस्त्यावरील पांढऱ्या पट्ट्यांच्या विरोधात त्यांनी आवाज उठवला होता. भाजप नगरसेवक प्रवीण छेडा यांनी जैन समुदायाच नेतृत्व करत प्रसाद वेदपाठक यांच्या भूमिकेला विरुद्ध दर्शवला होता. त्यानंतर आता प्रसाद वेदपाठक याने मनसे पक्षाकडे धाव घेतली असून या सगळ्या संबंधी मनसे नेते संदीप देशपांडे, अविनाश जाधव यांची दुपारी बारा वाजता भेट घेणार असल्याची माहिती आहे. प्रसाद वेदपाठकच्या भूमिकेला मनसे पक्षाकडून पाठिंबा दिला जाणार आहे. प्रसाद वेदपाठक यांच्या पाठीशी मनसे पक्ष उभा राहील, असेही मनसेकडून सांगण्यात आलं आहे.

नेमकं प्रकरण काय? (Jain Community White Line Controversy Mumbai Road)

जैन धर्मगुरू अनवाणी चालत असल्याने उन्हामुळे गरम झालेल्या रस्त्यावरून चालताना त्रास होऊ नये, यासाठी ही पांढरी पट्टी रंगवण्यात आली होती, असा दावा जैन समाजातील काही सदस्यांनी केला आहे. तसेच घाटकोपर पश्चिमेच्या बाजूला रस्त्यावर अनेक ठिकाणी सफेद पट्ट्या मारलेल्या दिसून आले. मुंबईतील घाटकोपर-विद्याविहार परिसरातील कैलास अव्हेन्यू सोसायटीमध्ये जैन धर्मगुरू आणि साध्वींच्या आगमनासाठी रस्त्यावर पांढऱ्या रंगाची पट्टी रंगवण्यात आल्याचा प्रकार समोर आला आहे. या घटनेचा व्हिडीओ सोशल मीडियावर व्हायरल झाल्यानंतर मोठा वाद निर्माण झाला आहे.

इतर महत्वाच्या बातम्या