पोलिसांनी दिलेल्या माहितीनुसार, मंगळवारी रियाची आई तिला जेवणासाठी बोलावण्यास गेली असता आतून कोणताही प्रतिसाद मिळाला नाही. बराच वेळ दरवाजा न उघडल्याने तिने रियाच्या वडिलांना बोलावले. त्यानंतर कुटुंबीयांनी दरवाजा तोडला असता रिया गळफास घेतलेल्या अवस्थेत आढळली.
माहिती मिळताच पोलिसांनी घटनास्थळी धाव घेतली आणि खोलीतून एक सुसाईड नोट हस्तगत केली. या चिठ्ठीत रियाने लिहिले होते, "आई-बाबा, माझे तुमच्यावर खूप प्रेम आहे. माझ्या मृत्यूसाठी कोणालाही जबाबदार धरू नये."
सुसाईड नोटमध्ये काय लिहिले होते?
पोलिस अधिकाऱ्यांनी दिलेल्या माहितीनुसार, रियाने चिठ्ठीत आपल्या वडिलांबद्दलचे प्रेम व्यक्त केले आणि आपल्या मृत्यूसाठी इतर कोणीही जबाबदार नाही, असे स्पष्टपणे नमूद केले. आपल्या अपयशाला तिने स्वतःलाच जबाबदार धरले होते.
पोलिसांनी दिलेल्या माहितीप्रमाणे ती सहसा रात्री उशिरापर्यंत अभ्यास करायची आणि त्यामुळे अनेकदा सकाळी उशिरा उठायची. तपासादरम्यान असेही समोर आले की, ती स्वतःबद्दल न्यूनगंड आणि नैराश्याच्या भावनेशी झुंज देत होती.
ती NEET पुनर्परीक्षेची तयारी करत होती
अभ्यासात यश न मिळाल्यामुळे आलेली निराशा हे या टोकाच्या निर्णयाचे मुख्य कारण असू शकते, असा पोलिसांचा अंदाज आहे. रिया २१ जून रोजी होणाऱ्या NEET-UG पुनर्परीक्षेची तयारी करत होती. मिळालेल्या माहितीनुसार, तिला पहिल्या प्रयत्नात वैद्यकीय प्रवेश परीक्षा उत्तीर्ण करता आली नव्हती.
तरीही, रिया अभ्यासात अत्यंत हुशार होती; तिने इयत्ता १२ वीच्या परीक्षेत ९७ टक्के गुण मिळवून शाळेत अव्वल स्थान पटकावले होते. सध्या पोलीस या प्रकरणाचा तपास करत असून, घटनेच्या सर्व पैलूंचा विचार करून पुढील कार्यवाही केली जात आहे.
