Kharghar News: नवी मुंबईतील खारघर परिसरात मुक्या प्राण्यासोबत असं काही घडलं आहे. ज्यामुळे प्राणीप्रेमींमध्ये संतापाची लाट उसळली आहे. मुक्या प्राण्यांवरील क्रूरतेची एक अत्यंत धक्कादायक घटना समोर आली आहे. एका गृहनिर्माण संस्थेतील रहिवाशाने कथितरीत्या सोसायटीतीलच एका मांजरीला प्लास्टिकच्या पिशवीत कोंडून तिला अज्ञात ठिकाणी सोडून दिलं. या घटनेचे सीसीटीव्ही फुटेज सोशल मीडियावर व्हायरल झाले असून, त्यामुळे सोसायटीच्या रहिवाशांमध्ये संताप व्यक्त केला जात आहे. त्यांनी याप्रकरणी आरोपीविरुद्ध खारघर पोलीस ठाण्यात तक्रार दाखल केली आहे.

व्हिडीओमध्ये स्पष्ट दिसत आहे की, पुरुष आधी मांजरीला प्रेमात उचलतो आणि प्लास्टिकच्या पिशवीत टाकतो. पण तेव्हा मांजर स्वतःची सुटका करते. पण तो पुन्हा मांजरीच्या मागे जातो आणि तिला पडकतो. तेव्हा एक महिला प्लस्टिकची पिशवी घेऊन उभी दिसत आहे.. पुरुष मांजरीला पिशवीत टाकतो आणि पिशवी घट्ट बांधतो… त्यानंतर घरात घेऊन जातो. त्यानंतर त्याने मांजरीचं काय केलं… याबद्दल काही कळू शकलेलं नाही.

दरम्यान घडलेला सर्व प्रकार सीसीटीव्हीमध्ये कैद झाला आहे. मिळालेल्या माहितीनुसार, खारघर सेक्टर 19 मधील आदित्य हाइट्स सोसायटीत मांजरीसोबत क्रूरतेचा प्रकार घडला ईहे… सेक्टर 19 मधील आदित्य हाइट्स सोसायटीमध्ये एका मांजरीला प्लास्टिकच्या पिशवीत भरून अज्ञातस्थळी फेकल्याचा आरोप करण्यात आला आहे. हा संपूर्ण प्रकार सोसायटीतील CCTV कॅमेऱ्यात कैद झाला आहे.

या घटनेनंतर सोसायटीतील रहिवासी आणि प्राणीप्रेमींमध्ये संतापाची लाट उसळली असून संबंधित व्यक्तीवर कठोर कारवाई करण्याची मागणी करण्यात येत आहे. दरम्यान, बेपत्ता झालेल्या त्या मांजरीचा शोध सुरू असून याप्रकरणी खारघर पोलीस ठाण्यात तक्रार दाखल करण्यात आली आहे. आता पोलिस या प्रकरणाचा तपास करत आहेत.

सांगायचं झालं तर, सोशल मीडियावर प्राण्यांवर होणाऱ्या वाईट कृत्यांचे अनेक फोटो आणि व्हिडीओ व्हायरल होत असतात. आता एका मांजरीचा व्हिडीओसमोर आला आहे. पण याआधी अनेक श्वान आणि हत्ती यांच्यासोबत देखील वाईट वागणूक करताना लोकांचे व्हिडीओ समोर आले. मुक्या प्राण्यांना मिळणाऱ्या वाईट वागणुकीवर प्राणी प्रमी कामय आवाज उठवत असतात.