भारतीय महिला संघाचा टी20 वर्ल्डकप स्पर्धेतील तिसरा सामना दक्षिण अफ्रिकेशी होणार आहे. गट 1 मधील हा सर्वात कठीण सामना मानला जात आहे. या वर्षाच्या सुरुवातीला लॉरा वॉल्व्हार्डच्या फलंदाजीतील वर्चस्वामुळे भारताला मालिकेत 4-1 असा पराभव पत्करावा लागला होता. आता मँचेस्टरमध्ये टीम इंडिया हे चित्र पालटण्याचा प्रयत्न करेल. भारतीय गोलंदाजी प्रशिक्षक आविष्कार साळवी म्हणाले की, रविवारी मँचेस्टरमधील ओल्ड ट्रॅफर्ड येथे होणाऱ्या वुमन्स टी20 वर्ल्डकप सामन्यात दक्षिण आफ्रिका दौऱ्यातून मिळालेल्या धड्यांचा वापर करण्याचे भारताचे ध्येय असेल.महिला टी20 वर्ल्डकप स्पर्धेच्या इतिहासात या दोन संघांची ही पहिलीच भेट असेल. भारताने यापूर्वी या गटात पाकिस्तान आणि नेदरलँडच पराभव केला आहे. त्यामुळे तिसरा सामना जिंकून विजयी घोडदौड कायम ठेवण्याचा प्रयत्न असणार आहे. ‘वुमन इन ब्लू’ संघाने पाकिस्तानला 64 आणि नेदरलँडला 95 धावांनी पराभूत केलं आहे. पाकिस्तान आणि नेदरलँड्सविरुद्धच्या दोन्ही सामन्यांतील विजयांमुळे टीम इंडिया सध्या गट 1 मध्ये 4 गुणांसह आणि +3.975 च्या नेट रन रेटने दुसऱ्या स्थानावर आहे.

भारत विरुद्ध दक्षिण आफ्रिका, वुमन्स टी20 वर्ल्डकप सामना कधी आहे?

भारत विरुद्ध दक्षिण आफ्रिका वुमन्स टी20 वर्ल्डकप सामना रविवारी (21 जून) खेळला जाणार आहे.

भारत विरुद्ध दक्षिण आफ्रिका वुमन्स टी20 वर्ल्डकप सामना किती वाजता सुरू होतो?

भारत विरुद्ध दक्षिण आफ्रिका वुमन्स टी20 वर्ल्डकप सामना भारतीय प्रमाणवेळेनुसार सायंकाळी 7.00 वाजता सुरू होईल.

भारत विरुद्ध दक्षिण आफ्रिका वुमन्स टी20 वर्ल्डकप सामना कुठे खेळला जात आहे?

भारत विरुद्ध दक्षिण आफ्रिका वुमन्स टी20 वर्ल्डकप सामना ओल्ड ट्रॅफर्ड क्रिकेट मैदानावर खेळला जाईल.

भारत विरुद्ध दक्षिण आफ्रिका वुमन्स टी20 वर्ल्डकप सामना कोणत्या टीव्ही चॅनलवर प्रसारित होईल?

भारत विरुद्ध दक्षिण आफ्रिका वुमन्स टी20 वर्ल्डकप सामन्याचे प्रसारण स्टार स्पोर्ट्स नेटवर्कवर केले जाईल.

भारत विरुद्ध दक्षिण आफ्रिका वुमन्स टी20 वर्ल्डकप सामन्याचे थेट प्रक्षेपण (लाइव्ह स्ट्रीमिंग) कुठे पाहता येईल?

भारत विरुद्ध दक्षिण आफ्रिका वुमन्स टी20 वर्ल्डकप सामन्याचे थेट प्रक्षेपण जिओहॉटस्टारवर उपलब्ध असेल.