माळीण फाट्यावर दरड कोसळली, आहुपेकडे जाणारी वाहतूक ठप्प झाली आहे. आंबेगाव तालुक्यातील माळीण परिसरात मुसळधार पावसामुळे दरड कोसळण्याची घटना घडली आहे. माळीण फाट्याजवळ रस्त्यालगतचा डोंगरकडा कोसळल्याने आहुपेकडे जाणारी वाहतूक पूर्णपणे ठप्प झाली आहे. सुदैवाने कोणतीही जीवितहानी झालेली नाही. सतत सुरू असलेल्या मुसळधार पावसामुळे परिसरातील नागरिकांमध्ये भीतीचे वातावरण पसरले आहे. प्रशासनाकडून परिस्थितीवर लक्ष ठेवण्यात येत असून नागरिकांनी अत्यावश्यक कामाशिवाय या मार्गावर प्रवास टाळण्याचे आवाहन करण्यात येत आहे.
लोणावळा शहरात गेल्या 48 तासांत 1115 मिलीमीटर इतक्या विक्रमी पावसाची नोंद झाली आहे. जुना खंडाळा परिसरातील रस्टिक हायलँड येथे मुसळधार पावसामुळे दरड कोसळली होती. हवामान खात्याच्या इशाऱ्यानुसार महाराष्ट्रातील बहुतांश भागात 8 जुलैपासून पावसाचा जोर ओसरणार आहे. पुढील 10 दिवस अनेक जिल्ह्यांत सरासरीपेक्षा कमी पाऊस पडू शकतो. त्यामुळे तापमान वाढण्याचाही अंदाज आहे.
