जर तुम्हीही एकदाच वापरलेले कपडे धुत असाल तर ही माहीती तुमच्यासाठी महत्वाची आहे. कारण प्रामुख्याने ऑफिस, कॉलेजला जाणाऱ्या महिला , तरुणींना सकाळी ऑफिस किंवा कॉलेजला जाताना वापरलेले ड्रेस, साडी लगेच धुवायची सवय असते. दिवसभर अंगावर असणारे कपडे घाम आणि हवेतील धुळीने खराब होतात. त्यामुळे ते लगेच धुवायला हवेत असे महिलांना वाटते. पण लॉंड्रीच्या नियमानुसार एकदा वापरलेले सगळेच कपडे धुण्याची गरज नसते. कारण प्रत्येक कापड वेगळ असतं. त्यामुळे काही कपडे स्वच्छ होण्याऐवजी खराब होतात. त्यामुळे कोणते कपडे दररोज धुणे गरजेचे आहेत आणि कोणते नाही ते समजून घेऊया.

शर्ट, आतील कपडे

जर तुम्हाला वापरलेले इनरवेयर, शर्ट, मोजे, रुमाल यासारखे कपडे धुवायचे असतील तर ते तुम्ही दुसऱ्या दिवशी धुवायला टाकू शकता. कारण या कपड्यांना घाम लागत असल्याने यावर बॅक्टेरिया लवकर येतात. त्यामुळे हे कपडे लवकर खराबही होतात.

डेनिम जीन्स

जर तुम्ही रेग्युलर डेनिम जीन्स वापरत असाल आणि त्यावर डागही लागलेले नसेल,ती मळलेलीही नसेल तर ती डेनिम जीन्स तुम्ही ४ वेळा वापरल्यानंतर धुवायला टाका. त्यामुळे त्याचे फॅब्रिकही खराब होत नाही आणि जीन्सचा रंगही फिकट होत नाही.

एथनिक वेयर आणि साडी

जर तुम्ही ऑफिसवेअर साठी रेग्युलर साडी वापरत असाल आणि साडीवर एन्ब्रायडरी, जरी वर्क असेल तर ती एकदा नेसल्यानंतर लगेच धुवायला टाकू नका. तर ती तीन ते चारवेळा वापरा नंतर ड्राय क्लिनिंगसाठी द्या.

रेशमाची भांडी
जर तुम्ही सिल्क किंवा त्यापेक्षा हॅवी साड्या वापरत असाल तर गरज वाटल्यासच या साड्या धुवायच्या. ज्या साड्या तुम्ही घरात वापरता त्या दुसऱ्या दिवशी धुवायच्या.

व्यायामशाळा, योग कपडे

जर तुम्ही दररोज योगा. जीमला जात असाल. त्यासाठी तुमचा खास पेहराव असेल तर तो तुम्हाला दररोज धुवायचा. कारण जीममध्ये वर्क करताना आणि योगा करताना अंगाला घाम येतो. तो घाम कपड्यात शोषला जातो. त्यामुळे त्याची दुर्गंधी कपड्यातील तंतूंमध्ये उतरते. त्यामुळे हे कपडे दररोज धुतले गेले पाहीजेत.