मोटोरोला कंपनी त्यांचा नवीन स्मार्टफोन भारतीय बाजारपेठेत धमाकेदार पद्धतीने एँट्री घेण्याच्या तयारीत असून कंपनीने नवीन प्रीमियम स्मार्टफोन Edge 70 Max ची लाँच तारीख जाहीर केली आहे. कंपनीने फ्लिपकार्टवर तयार केलेल्या मायक्रोसाइटद्वारे फोनच्या डिझाइन आणि अनेक प्रमुख फिचर्सविषयी माहिती दिली आहे. हा स्मार्टफोन सध्याच्याEdge 70 सिरीजमधील एक नवीन आणि अधिक पॉवरफूल मॉडेल असेल. त्याची किंमत आणि कॅमेरा वैशिष्ट्यांविषयी माहिती लाँचच्या वेळी जाहीर होण्याची शक्यता आहे.

फ्लिपकार्टवरील लिस्टिंगनुसार मोटोरोला एज 70 मॅक्स भारतात 15 जुलै रोजी दुपारी 12 वाजता लाँच होईल. लाँच झाल्यानंतर ग्राहक हा फोन फ्लिपकार्टवरून खरेदी करू शकतील. फोटोंनुसार या फोनमध्ये पातळ बेझल्ससह फ्लॅट डिस्प्ले आहे. मागच्या बाजूला चौकोनी आकाराचा कॅमेरा मॉड्यूल आहे. हा स्मार्टफोन फिकट निळा आणि हिरवा या रंगांच्या पर्यायांमध्ये दिसला आहे.

कामगिरीसाठी मोटोरोला एज 70 मॅक्समध्ये क्वालकॉम स्नॅपड्रॅगन 8 जेन 5 चिपसेट असेल. कंपनीचा दावा आहे की हा प्रोसेसर एआय-संबंधित कामांसाठी सुधारित क्षमता प्रदान करेल. या फोनमध्ये 12GB पर्यंत LPDDR5X रॅम असल्याचेही म्हटले जाते. यात ऑन-डिव्हाइस एआय प्रोसेसिंग सपोर्ट देखील मिळेल, ज्यामुळे विविध स्मार्ट फीचर्स थेट फोनवर लागू करता येतील.

दीर्घकाळ वापरा दरम्यान फोन जास्त गरम होऊ नये म्हणून, यात आर्क्टिकमेश कूलिंग सिस्टीम दिली आहे. यात 5,500 चौरस मिलीमीटरचा व्हेपर कूलिंग चेंबर आहे, जो उष्णतेवर अधिक चांगल्या प्रकारे नियंत्रण ठेवण्यास मदत करतो.

मोटोरोला एज 70 मॅक्समध्ये 144Hz रिफ्रेश रेटला सपोर्ट करणारा क्वाड-एचडी+ एलटीपीओ डिस्प्ले असेल. स्क्रीनची कमाल ब्राइटनेस 7,000 निट्सपर्यंत पोहोचेल. हा डिस्प्ले कॉर्निंग गोरिला ग्लास 7i द्वारे संरक्षित असेल. यात 10-बिट कलर आउटपुट, DCI-P3 कलर गॅमट आणि 95.12 टक्के स्क्रीन-टू-बॉडी रेशो देखील असेल. कंपनीचा असाही दावा आहे की, BGMI सारखे गेम्स या फोनवर 120fps पर्यंत खेळता येतील.

हा स्मार्टफोन बॅटरीच्या बाबतीतही खूप पॉवरफूल असेल. मोटोरोला एज 70 मॅक्समध्ये 7,100mAh क्षमतेची बॅटरी असेल, जी कंपनीच्या दाव्यानुसार 58 तासांपर्यंत बॅटरी लाईफ देऊ शकते. चार्जिंगसाठी यात 90W टर्बोपॉवर फास्ट चार्जिंगला सपोर्ट असेल. या फोनमध्ये मॅग्नेटिक वायरलेस चार्जिंगची सुविधा देखील असेल, जे या सेगमेंटमधील एक वैशिष्ट्यपूर्ण फीचर ठरू शकते. फोनची किंमत आणि कॅमेऱ्याची वैशिष्ट्ये लाँचच्या वेळी जाहीर केली जातील.