आजकाल शॉपिंग म्हणजे फक्त सामान खरेदी करणे नसते, तर एक खास अनुभवही असतो. डी-मार्ट सारखे स्टोर्स हे चांगल्याप्रकारे समजून घेतात आणि ग्राहकांना स्मार्ट पद्धतीने आकर्षित करतात. अनेकदा आपण पाहिले आहे की डीमार्ट बाहेर पॉपकॉर्न आणि सॉफ्टी उपलब्ध असते. पण नेमकं डीमार्ट बाहेर हे विक्रीसाठी ठेवण्यामागचे कारण तरी काय? असा प्रश्न अनेकांना पडतो. जाणून घेऊया…
एक यूट्यूब शॉर्ट्समध्ये नुकताच एक व्यक्ती म्हणाला की, डी-मार्ट सारखे स्टोर्स मुलांना आणि कुटुंबांना लक्षात घेऊन आपली रणनीती आखतात. हे स्टोर्स चांगले जाणून आहेत की जेव्हा लोक शॉपिंगला येतात तेव्हा बहुतेक वेळा मुलंही सोबत असतात. मुले तर मुले, त्यांची नजर आइसक्रीम, पॉपकॉर्न किंवा स्वस्त स्नॅक्सवर जाते आणि आई-वडिलांना मनवणे त्यांच्यासाठी सोपे असते. या छोट्या-छोट्या गोष्टी स्टोर्सच्या कमाईत मोठा वाटा उचलतात.

यूट्यूबरने सांगितले की, अशा वेळी मुले हट्ट करतात, “बाबा, फक्त एक आइसक्रीम घ्या ना!” आणि आई-वडील मान्य करतात. हे सामान स्टोअरच्या एंट्री किंवा एक्झिटजवळ ठेवले जाते, जेणेकरून ग्राहकांच्या नजरेला लगेच पडेल. मुले बेचैन असोत किंवा बाहेर पडताना काही घ्यायची इच्छा असो, ही छोटी खरेदी स्टोअरची कमाई वाढवते.

यूट्यूबरने बिग बाजारचा उल्लेख केला, जो एकेकाळी मोठे नाव होते, पण आता बंद झाले आहेत. बिग बाजारसारखे अनेक मोठे स्टोर्स बाजारातील बदल समजून घेऊ शकले नाहीत. ग्राहकांच्या सवयी बदलत आहेत, जसे ऑनलाइन शॉपिंग वाढली आहे. डी-मार्टने समजदारी दाखवली. त्यांनी एक नियम केला की, जोपर्यंत एक स्टोअर नफा कमवत नाही, तोपर्यंत दुसरा स्टोअर उघडणार नाही. ही विचारसरणी त्यांना सतत यशस्वी बनवते आहे.ही छोटी-छोटी रणनीती स्टोअरला नफा देते आणि लोकांना शॉपिंगचा आनंदही देते. पुढच्या वेळी तुम्ही डी-मार्टला गेलात तर लक्षात घ्या की ही छोटी-छोटी गोष्टी तुमच्या पाकिटावर कसा परिणाम करतात.