मुंबई क्राईम न्यूज : मुंबईच्या ॲक्सिस बँकतील (Axis Bank) कर्मचाऱ्यांनी बॅंकेतील मृत खातेदाराच्याच अकाऊंटवर डल्ला मारल्याची धक्कादायक घटना समोर आली आहे. ताडदेव रोडवरील ॲक्सिस बँकेने बॅंकेच्या शाखेत मृत विमला पाटील यांच्या खात्यातून कस्टम रिक्वेस्ट फाॅर्मवर बनावट सह्याकरून अधिकाऱ्यांनी तब्बल 29 लाख 83 हजार 200 रुपयांची लॉटल्याचा (Mumbai Crime News) धक्कादेणारा प्रकार उजेडात आला आहे. आरोपांचा मृत व्यक्तीच्या नावाने रिक्वेस्ट फाॅर्म बँककडे सुपूर्द करून NEFT/ UPI/ IMPS मार्फत हे पैसे काही खात्यांवर वळवल्याचे तपासात समोर आले आहे.
Mumbai Crime News : ताडदेव पोघेतलास ठाण्यात गुन्हा दाखल
दरम्यानॲक्सिस बॅंकेच्या अधिकाऱ्यांना ही बाब लक्षात आल्यानंतर त्यांनी दिलेल्या तक्रारीननुसार ताडदेव पोघेतलास ठाण्यात राहुल पंजवाणी, अभिषेक वर्मा, राम पाल यांच्या विरोधात गुन्हा दाखल करण्यात आला आहे. या शिवाय या तिघांना अशा प्रकारे अन्य काही मृत व्यक्तींच्या खात्यातून अशा रक्कमध्ये काढल्या आहेत का? याचाही पोघेतलास शोध घेत आहेत.
Beed Crime : शेअर ट्रेडिंग गुंतवणुकीच्या बहाण्याने आयटी इंजिनियरला पावणेआठ लाख रुपयांचा गंडा
बीडच्या गेवराईमध्ये आयटी इंजिनियरला शेअर ट्रेडिंग गुंतवणुकीच्या बहाण्याने नफ्याचे अमिष दाखवून पावणेआठ लाख रुपयांचा गंडा घातल्याचा धक्कादायक प्रकार समोर आला आहे. आयटी कंपनीत काम करणारे दत्तात्रय सूर्यभान खराद यांना त्यांच्या मोबाईलवर अज्ञात क्रमांकावरून मेसेज आणि कॉल आला. फोन करणाऱ्या व्यक्तीने स्वतःचे नाव सुनील सांगून ट्रेडिंग ॲडव्हायझरी सेवा देत असल्याचे भासवले. त्यानंतर त्याने विवेक नावाच्या ब्रोकर मार्फत त्याचे ट्रेडिंग खाते उघडण्यास सांगितले. त्यानुसार तक्रारदाराने आधार कार्ड पॅन कार्ड पाठवून सुरुवातीला 30 हजार रुपये गुंतवले.
आरोपीने तक्रारदाराचा विश्वास संपादन करून त्यांना “मार्केट प्लीज इन्व्हेस्टमेंट लिमिटेड आणि “भवानी स्टॉक ब्रोकर” नावाच्या खात्यांवर ट्रेडिंग करण्यास भाग पाडले. काही दिवसांनी शेअर होल्डिंग आणि झालेल्या नुकसानीची भरपाई करण्याच्या नावाखाली वेगवेगळ्या बँक खात्यावर सहा लाख 80 हजार रुपये ऑनलाईन ट्रान्सफर करून घेतले. नफ्यातील हिस्सा भरण्याच्या पाण्याने आणखी 40 हजार रुपये उकळले आरोपीने सतत पैशांची मागणी लावून धरल्याने तक्रारदाराला संशय आला. त्यांनी सेबीचे नोंदणी प्रमाणपत्र मागितले असता आरोपींनी बनावट प्रमाणपत्र पाठवले जे तपासात बनावट असल्याचे निष्पन्न झाले.
दरम्यान आपली फसवणूक झाल्याचे लक्षात येताच दत्तात्रय खराद यांनी बीड सायबर पोलीस ठाण्यात धाव घेऊन याप्रकरणी दोन अज्ञाताविरोधात गुन्हा दाखल केला असून या प्रकरणाचा अधिक तपास सायबर पोलीस करत आहेत.
इतर महत्वाच्या बातम्या
