Nashik's Dilip Mahadu Gavit wins gold in Commonwealth Games : राष्ट्रकुल क्रीडा स्पर्धा २०२६ च्या सहाव्या दिवशी भारतीय खेळाडूंनी एक सुवर्ण व दोन रौप्यपदकांची कमाई केली, तर बॉक्सिंगपटूंनी सहा पदकं निश्चित केली. नाशिकच्या दिलिप गावित याने पुरुषांच्या १०० मीटर पॅरा T47 शर्यतीत १०.७१ सेकंद अशी विक्रमी वेळ नोंदवत सुवर्णपदक जिंकले. ही कामगिरी करत त्याने राष्ट्रकुल खेळांमधील एक नवीन विक्रम प्रस्थापित केला आहे. याच शर्यतीत भारताच्याच मोहम्मद बासिलने रौप्यपदक पटकावले. राष्ट्रकुल क्रीडा स्पर्धेत ॲथलेटिक्समध्ये सुवर्ण जिंकणारा दिलीप हा पहिले भारतीय पुरुष पॅरा ॲथलीट ठरला आहे. या शिवाय श्रीशंकर मुरलीने पुरुषांच्या लांब उडीत रौप्य पदक पटकावले.

दिलीप महादू गवितने गुरुपौर्णिमेला हे सुवर्णपदक जिंकले आणि ते प्रशिक्षक वैजनाथ काळे यांना समर्पित केले. शेतात काम करत असताना काळे यांनी त्याची प्रतिभा ओळखली आणि त्याच्या क्रीडा कारकिर्दीला आकार दिला, याचे श्रेयही त्याने दिले. आपल्या विजयावर प्रतिक्रिया देताना गवित म्हणाला, “सुरुवात थोडी संथ होती. नंतर मी वेग वाढवला. पुढच्या वेळी मी आणखी चांगली कामगिरी करेन. मला फक्त १०० मीटर धावायचे होते. सहसा मी ४०० मीटर धावतो; ती माझी मुख्य स्पर्धा आहे. पण इथे मी १०० मीटर धावलो आणि मला या शर्यतीचा खूप आनंद झाला.”