Pune Hit And Run: पोर्शे कार प्रकरण राज्यभर गाजले असताना पुणे पुन्हा एकदा हिट ॲण्ड रनचा घटनेने हादरले आहे. या घटनेच गणपतीचे दर्शन घऊन परतलेल्या दाम्पत्याला भरधाव डंपरने चिरडत घटनास्थळावरून पळ काढाला आहे. मुळशी तालुक्यातील भुकूम येथील कोलाड रस्त्यावर गारवा हॉटेल समोर हा अपघात झाला आहे. हा आपघात इतका भीषण होता की, पती-पत्नीचा जागीच मृत्यू झाला.

पोलिसांनी दिलेल्या माहितीनुसार, आपघातील मयत दाम्पत्य हे लवळे फाटा येथील रहिवाशी आहे. अनिल काळू सुर्यवंशी आणि प्रिया अनिल सुर्यंवशी अशी अपघातात ठार झालेल्या दाम्पत्याचे नाव आहे. डंपर भुकूमवरून भूगावकडे चालला होता. तर सुर्यवंशी आपल्या मोटारसायकलीने भूगावरून भुकूमकडे जात असताना बुधवारी रात्री हा आपघात झाला.

पती-पत्नीचा जगीच मृत्यू

डंपर चालक हा भरधाव वेगाने तसेच वाहतुकीच्या नियमांकडे दुर्लक्ष करून डंपर चालवत होता. त्यामुळे हा आपघात झाला. डंपरने धडक दिल्यावर मोटारसायकलीसह पती-पत्नी गंभीर अवस्थेत रस्त्यावर पडले. या अपघातील जखमींना रुग्णालयात न नेता डंपर चालकाने घटनास्थळावरुन पळ काढला. दरम्यान, वेळेवर उपचार न मिळाल्याने दोघांचा जागीच मृत्यू झाला.

दरम्यान, मृत अनिल सूर्यवंशी उरवडे रोडवरील खासगी कंपनीत नोकरी करत होते. तर त्यांची पत्नी प्रिया भूगाव येथील क्वूरिफायर कंपनीत कामाला होती. पुण्यातील गणपती पाहण्यास प्रिया कंपनीतील सहकाऱ्यांसोबत गेली होती. रात्री गणपती दर्शन घेऊन परतल्यावर अनिल आणि प्रिया हे दुचाकीने घरी परतत असताना त्यांच्या दुचाकीला भरधाव डंपरने धडक दिली. रात्रीच्या वेळी झालेल्या या आपघातात दाम्पत्याचा जागीच मृत्यू झाला. दरम्यान, या प्रकरणी पोलिसांनी डंपर चालकाविरुद्ध गुन्हा दाखल केला आहे.