Ind vs Ban Live Streaming: भारत आणि बांगलादेश यांच्यातील कसोटी मालिकेला 19 सप्टेंबरपासून चेन्नईत सुरुवात होणार आहे. यानंतर दुसरा सामना कानपूरमध्ये होणार आहे. कसोटी मालिकेनंतर 3 सामन्यांची टी-20 मालिकाही खेळवली जाणार आहे. त्यामुळे तुम्ही तुमच्या टीव्हीवर आणि मोबाईलवर या मालिकेचे मोफत कोणत्या चॅनलवप पाहू शकता हे आज आम्ही तुम्हाला सांगणार आहोत.

भारत-बांगलादेश कसोटी आणि T20 मालिका खेळणार

भारत विरुद्ध बांगलादेश मालिकेअंतर्गत सर्वप्रथन दोन कसोटी सामने होतील, जे वर्ल्ड टेस्ट चॅम्पियनशिपचा भाग असतील. त्यानंतर तीन टी-20 सामने होणार आहेत. रोहित शर्मा आणि विराट कोहली हे कसोटी मालिकेत दिसणार आहेत, तर दुसरीकडे टी-20 मालिकेत तरुण खेळाडू खेळताना दिसणार आहेत. बीसीसीआयकडून दुसऱ्या कसोटी आणि संपूर्ण टी-20 मालिकेसाठी टीम इंडियाची अद्याप घोषणा करण्यात आलेली नाही.

स्पोर्ट्स 18 आणि जिओ सिनेमावर मालिका मोफत पाहता येणार

कसोटी आणि टी 20 मालिकेचे थेट प्रसारण तुम्ही स्पोर्ट्स 18 या टीव्ही चॅनलवर मोफत पाहू शकता. यासाठी तुमच्या पॅकमध्ये स्पोर्ट्स 18 हा चॅनल असणे आवश्यक आहे, त्यानंतर या सामन्यांसाठी तुम्हाला अतिरिक्त पैसे मोजायची गरज नाही. जर तुम्हाला मोबाईलवर मॅच बघायची असेल तर त्यासाठी जिओ सिनेमावर सामन्याचा आनंद घेऊ शकता. तुमच्या घरात स्मार्ट टीव्ही असेल तर तुम्ही जिओ सिनेमा ॲपवरही मॅच पाहू शकता. यासाठी कोणतेही शुल्क आकारले जाणार नाही, म्हणजेच तुम्ही या मालिकेचा मोफत आनंद घेऊ शकता.

WTC मध्ये अव्वल स्थान मजबूत करण्याची टीम इंडियाकडे संधी

वर्ल्ड टेस्ट चॅम्पियनशिप अंतर्गत कसोटी मालिकेचे सामने होणार आहेत. WTC च्या गुणतालिकेत भारतीय संघ पहिल्या क्रमांकावर आहे. बांगलादेशविरुद्धची मालिका जिंकल्यानंतर भारताला आणखी गुण मिळतील, ज्यामुळे भारताची अंतिम फेरीत जाण्याची शक्यता आणखी वाढेल.

बांगलादेशविरुद्धच्या पहिल्या कसोटी सामन्यासाठी भारतीय संघ

रोहित शर्मा (कर्णधार), यशस्वी जैस्वाल, शुभमन गिल, केएल राहुल, सर्फराज खान, ऋषभ पंत (विकेटकीपर), ध्रुव जुरेल (विकेटकीपर), जसप्रीत बुमराह, विराट कोहली, आर अश्विन, रवींद्र जडेजा, कुलदीप यादव, अक्षर पटेल, मोहम्मद सिराज, आकाश दीप, यश दयाल.