आरक्षणाच्या कथित मुद्द्यावरून खा. राहुल गांधी यांची जीभ हासडणार्याला अकरा लाख रुपये देणार असल्याचे वादग्रस्त वक्तव्य शिंदे गटाचे स्थानिक आमदार संजय गायकवाड यांनी केले. अर्थात प्रसारमाध्यमांमध्ये या संदर्भातल्या बातम्या व्हायरल झाल्या नंतर काँग्रेस नेते यांनी निषेधात्मक आंदोलनाचे हत्यार उपसले.आमदार गायकवाड यांच्याविरोधात गुन्हा दाखल करावा या मागणीसाठी काँग्रेसचे जिल्हाध्यक्ष माजी आमदार राहुल बोंद्रे, हर्षवर्धन सपकाळ, जयश्रीताई शेळके, संजय राठोड, प्रकाश पाटील अवचार, मिलन आंबेकर, व इतर पदाधिकारी आणि कार्यकर्ते पोलीस ठाण्यात ठाण मांडून बसले आहेत.