उच्च न्यायालयायाचा मोठा निर्णय! मुंबई सिनेटची निवडणुक उद्याच होणार
मुंबई सिनेटची निवडणुक उद्याच होणार आहे. याबद्दल मुंबई उच्च न्यायालयाने याबद्दलचा निर्णय दिला आहे.
dharavi masjid demolition live : मंत्री मंगल प्रभात लोढा, आमदार प्रसाद लाड हे धारावी पोलीस स्टेशनमध्ये दाखलधारावी येथे उद्भवलेल्या तणावपूर्ण परिस्थितीसंदर्भात कॅबिनेट मंत्री मंगल प्रभात लोढा आणि विधान परिषदेचे आमदार प्रसाद लाड हे धारावी पोलीस स्टेशन मध्ये पोहचले आहेत.
Nagpur Politics Live : काँग्रेसची उद्या नागपूर विधानसभा आढावा बैठकनागपूर - काँग्रेसची उद्या नागपूर विधानसभा आढावा बैठक होणार असून महाराष्ट्र प्रभारी रमेश चेन्नीथला, प्रदेशाध्यक्ष नाना पटोले आणि स्थानिक काँग्रेस नेते आढावा बैठकीला उपस्थित राहणार आहेत. नागपुर शहरातील सहा विधानसभा मतदारसंघाचा काँग्रेस नेते आढावा घेणार आहेत. रजवाडा पॅलेस सभागृह येथे संध्याकाळी 6 वाजता आढावा बैठक होईल.
- नागपूर शहरातील सर्वच सहा विधानसभा मतदारसंघावर काँग्रेसचा दावा आहे. तर शरद पवारांची राष्ट्रवादी आणि ठाकरेंच्या शिवसेनेचाही शहरातील 2 विधानसभा मतदारसंघावर दावा आहे. लोकसभा निवडणुकीनंतर विधानसभा निवडणुकीसाठी मतदारसंघाचा काँग्रेसकडून आढावा घेण्यात येत आहे.
-
Devendra Fadnvis Live: हिंसा होणार नाही याची दक्षता त्या त्या समाजातील नेत्यांनी किंवा आंदोलन करणाऱ्यांनी घेतली पाहिजे...वडीगोद्री येथे मराठा व ओबीसी आंदोलक समोरा समोर आल्याने तणाव निर्माण झाला आहे. याबद्दल बोलताना गृहमंत्री देवेंद्र फडणवीस म्हणाले की," प्रत्येक समाजाला आपल्या मागण्यांसाठी आंदोलन करण्याचा अधिकार आहे.. मात्र हे करत असताना कुठे हिंसा होणार नाही, दोन समाज समोरासमोर येणार नाही, समाजात तेढ निर्माण होणार नाही, हिंसा होणार नाही याची दक्षता त्या त्या समाजातील नेत्यांनी किंवा आंदोलन करणाऱ्यांनी घेतली पाहिजे."
Alandi Live: देशी गोवंश बचाव जन आंदोलन उषोषण मागे...आमदार लांडगे यांची शिष्टाई..अखिल भारतीय कृषी गोसेवा संघ पश्चिम महाराष्ट्र अध्यक्ष मिलिंद एकबोटे आणि सहकार्यांचे गेली तीन दिवससुरु असलेले आळंदीतील देशी गोवंश बचाव जन आंदोलन भोसरी विधानसभा आमदार महेश लांडगे यांच्या शिष्टाईने आज मागे घेण्यात आले. यावेळी आमदार लांडगे यांनी उपोषणकर्ते एकबोटे आणि उपमुख्यमंत्री देवेंद्र फडणवीस यांचे मोबाईलवरून बोलणे करुन दिले.
Manoj Jarange Live: वडीगोद्री रोडवर मराठा ओबीसी आंदोलक समोरा समोर आल्याने गोंधळअंतरवाली सराटी येथे मनोज जरांगे उपोषण करत आहे, वडीगोद्री येथे ओबीसी आंदोलक प्रा.लक्ष्मण हाके , नवनाथ वाघमारे व सोनिया नगर अंतरवाली सराटी येथे ओबीसी आंदोलक मंगेश ससाणे व सहकारी यांचे उपोषण सुरू आहे. वडीगोद्री येथे मराठा व ओबीसी आंदोलक समोरा समोर आल्याने तणाव निर्माण झाला आहे.
Rajbhavan Live: काँग्रेस पक्षाचे शिष्टमंडळ राजभवनावर राज्यपालांच्या भेटीला पोहोचलेकाँग्रेस पक्षाचे शिष्टमंडळ राजभवनावर राज्यपालांच्या भेटीला पोहोचले. काँग्रेस प्रदेशाध्यक्ष नाना पटोले, विधिमंडळ काँग्रेस पक्षाचे नेते बाळासाहेब थोरात, विरोधी पक्ष नेते विजय वडेट्टीवार, काँग्रेस वर्किंग कमिटीचे सदस्य आणि प्रदेश कार्याध्यक्ष नसीम खान, मुंबई काँग्रेसच्या अध्यक्षा खा. वर्षा. गायकवाड यांच्यासह काँग्रेस नेते उपस्थित.
President Droupadi Murmu Live Updates: RBIचे गव्हर्नर शक्तिकांत दास यांनी राष्ट्रपती द्रौपदी मुर्मू यांची घेतली भेटरिझर्व्ह बँक ऑफ इंडियाचे गव्हर्नर शक्तिकांत दास यांनी राष्ट्रपती द्रौपदी मुर्मू यांची राष्ट्रपती भवनात घेतली भेट
एअर मार्शल अमर प्रीत सिंग हे 30 सप्टेंबर रोजी निवृत्त होणाऱ्या एअर चीफ मार्शल व्ही आर चौधरी यांच्याकडून आयएएफचे पुढील प्रमुख म्हणून पदभार स्वीकारतील, अशी घोषणा सरकारने केली.
Dhairyasheel Mane Live : आरळा-बेरडेवाडी-कोकणेवाडी रस्त्यासाठी पावणेसहा कोटी मंजूर- धैर्यशील मानेशिराळा : आरळा-बेरडेवाडी-कोकणेवाडी (ता. शिराळा) या रस्त्यासाठी प्रधानमंत्री ग्रामसडक योजनेतून ५ कोटी ७४ लाख ६९ हजार रुपयांचा निधी मंजूर झाल्याची माहिती खासदार धैर्यशील माने यांनी दिली.
Aditya Thackeray Live : आदित्य ठाकरे यांची पत्रकार परीषद दुपारी २:२० मिनटांनी मातोश्रीवर होणार Nanded Live : कौशल्य विकासाचे नांदेड जिल्ह्यात २८ महाविद्यालयांत केंद्रेदेशातील पारंपारिक कौशल्याला विकसित करण्यासाठी केंद्र शासन विश्वकर्मा योजनेद्वारे प्रयत्न करीत आहेत. याचाच एक भाग म्हणून जिल्ह्यात आचार्य चाणक्य कौशल्य विकास केंद्राच्या माध्यमातून पंतप्रधान नरेंद्र मोदींच्या हस्ते ऑनलाइन पद्धतीने शुक्रवारी जिल्ह्यातील २८ महाविद्यालयांत केंद्रे स्थापन करण्यात आली.
Dharashiv Live : धाराशिव जिल्हा बॅंक २ लाख नागरिकांना करणार सभासदधाराशिव जिल्हा बॅंकेला गर्तेतून बाहेर काढण्यासाठी किमान २ लाख सर्वसामान्य नागरिकांना सभासद करून घेण्याचे प्रयत्न आहेत. प्रतिसभासद १० हजार रुपये यानुसार एकूण २०० कोटी रुपयांचे भांडवल गोळा करण्याचे प्रयत्न होणार आहेत. या संबंधीच्या निर्णयावर सनियंत्रण समितीच्या बैठकीत संचालक मंडळासह सहभागी पतसंस्थांच्या प्रतिनिधींचे एकमत झाल्याची माहिती सूत्रांकडून मिळाली.
RTO Live: आरटीओ कर्मचारी संघटनेची परिवहन आयुक्तांशी झालेली चर्चा फीसकटलीमोटार वाहन विभाग (RTO) कर्मचारी संघटना महाराष्ट्र राज्यचा बेमुदत संप अटळ असणार आहे. २४ सप्टेंबर २०२४ पासून हे लोक संप करणार आहेत.
Beed Live : जरांगे पाटलांच्या समर्थनार्थ आज जिल्हा बंदची हाकमराठा आरक्षण आंदोलक मनोज जरांगे पाटील यांनी मराठा समाजाला ओबीसीतून सरसकट आरक्षण मिळावे, या मागणीसाठी अंतरवाली सराटी येथे सहाव्यांदा उपोषण सुरू केले आहे.उपोषणाच्या समर्थनार्थ आज शनिवारी (ता. २१) बीड जिल्हा बंदची हाक देण्यात आली आहे.
Pune Live: वडगावशेरीत लागली दुकानाला मोठी आगवडगावशेरीत दुकानाला मोठी आग लागली आहे.
Dharavi Live: मुंबईचे अतिरिक्त आयुक्त धारावीत दाखलमुंबईचे अतिरिक्त आयुक्त धारावी परिसरात दाखल झाले आहेत
Dharavi Live: स्थानिकांनी घातला धारावी पोलीस ठाण्याला घेरावधारावीमध्ये धार्मिक स्थळाचा भाग तोडण्यावरून स्थानिकांनी घातला धारावी पोलीस ठाण्याला घेराव घातला आहे. जोवर पालिकेच पथक परत जाणार नाही तोवर आम्ही मागे हटणार नाही एस्थानिकांची भूमिका
Dharavi Live: धारावीमध्ये शेकडो नागरिक रस्त्यावर; तणावाची स्थितीधारावीमध्ये धार्मिक स्थळाचा भाग तोडण्यावरून मोठा वाद निर्माण झाला आहे. शेकडो नागरिक रस्त्यावर उतरले आहेत. त्यामुळे तणावाची स्थिती निर्माण झाली आहे. बीएमसीच्या पथकाच्या गाडीची तोडफोड झाली आहे. दगडफेक देखील झाल्याची माहिती आहे.
NAAM Foundation Live: अभिनेते नाना पाटेकर आणि मकरंद अनासपुरे यांच्या नाम फाऊंडेशनचा नववा वर्धापन दिवसअभिनेते नाना पाटेकर आणि मकरंद अनासपुरे यांच्या नाम फाऊंडेशनचा नववा वर्धापन दिवस आहे. पुण्यातील गणेश कला-क्रीडा रंगमंच येथे नवव्या वर्धापन दिनाचा कार्यक्रम पार पडणार आहे. मुख्यमंत्री एकनाथ शिंदे, उपमुख्यमंत्री देवेंद्र फडणवीस, केंद्रीय मंत्री गुजरातचे सी.आर. पाटील यांच्या उपस्थितीत वर्धापन दिन कार्यक्रम होणार आहे. नाम फाऊंडेशन कडून राज्यभरात जलसंधारणाची कामे करण्यात आली आहेत.
sharad ponkshe Live : शरद पोंक्षे यांची राहुल गांधी यांच्यावर टीकाशरद पोंक्षे यांनी राहूल गांधी यांच्यावर टीका केली आहे. भारतरत्न दिला तर भाजप सरकारचं देवू शकतं. आता जे काही आहेत परदेशात जाऊन बदनामी करत असतात .सारखं माफीवीर माफीवीर म्हणून बोलत असतात. त्यांच्याकडून काय अपेक्षा करणार. मात्र भारतरत्न पुरस्काराच्या पलिकडे सावरकर आहेत. मी आता त्या पलीकडे गेलो आहे, असं ते म्हणाले.
Mahayuti Meeting Live: विधानसभा निवडणुकीच्या पार्श्वभूमिवर महायुतीतील तीन ही पक्षाच्या प्रमुख नेत्यांच्या मॅरेथाॅन बैठका सुरूविधानसभा निवडणुकीच्या पार्श्वभूमिवर महायुतीतील तीनही पक्षाच्या प्रमुख नेत्यांच्या मॅरेथाॅन बैठका सुरू झाल्या आहेत. शिवसेनेकडून स्टॅडिग उमेदवारांना पहिला, तर शिवसेनेने लढवलेल्या जागांना दुसरा प्रेफरन्स देण्यात येत आहे.
लोकसभा निवडणुकीत स्ट्राईक रेट चांगला ठेवलेल्या शिवसेनेला कमीत कमी १०० तर जास्तीत जास्त १२१ जागा हव्यात. सप्टेंबर अखेरपर्यंत जागा वाटपाचा तिढा सोडवण्याचा महायुतीतील नेत्यांचा मानस आहे. लोकसभेला झालेल्या चुकांची पुनरावृत्ती विधानसभेला होणार नाही. शिवसेनेचे उमेदवार शिवसेनेचे नेतेच ठरवतील....यात भाजप नेत्यांचा हस्तक्षेप नसणार अशी सूत्रांची माहिती आहे.
Pune Railway Cancel LIVE : पुण्याहून सुटणाऱ्या रेल्वे गाड्या रद्द, प्रवाशांना बसणार फटकापुणे : दौंड ते मनमाड सेक्शन दरम्यान असलेल्या राहुरी-पढेगाव स्थानकांदरम्यान नॉन इंटरलॉकिंगचे काम होणार आहे. त्यामुळे २१ ते २३ सप्टेंबर दरम्यान पुण्याहून सुटणाऱ्या रेल्वे गाड्या रद्द करण्यात आल्या आहेत, तर काही गाड्यांचे मार्ग बदलण्यात आले आहे. त्यामुळे रेल्वेगाड्यांचे वेळापत्रक विस्कळित होणार आहे. याचा फटका प्रवाशांना बसणार आहे.
CM Eknath Shinde LIVE : जुहू बीचवर स्वच्छता मोहिमेदरम्यान मुख्यमंत्री शिंदेंनी चालवला ट्रॅक्टरमुंबईतील जुहू बीचवर स्वच्छता मोहिमेदरम्यान महाराष्ट्राचे मुख्यमंत्री एकनाथ शिंदे यांनी ट्रॅक्टर चालवला. या कार्यक्रमाला राज्यपाल सीपी राधाकृष्णन आणि केंद्रीय मंत्री भूपेंद्र यादवही उपस्थित होते.
धामोड : येथील तुळशी धरणाच्या पायथ्याशी मृतदेहाचा सांगाडा सापडला. कृष्णात शिवाजी मांढरेकर (वय ४६, रा. कांबळवाडी, ता. राधानगरी, जि. कोल्हापूर) असे मृत व्यक्तीचे नाव आहे. गेल्या महिन्यापासून ते घरातून बेपत्ता होते. याबाबतची वर्दी दिगंबर दिनकर दळवी यांनी राधानगरी पोलिसांत दिली. काल सकाळी ११ वाजता त्यांच्या मृतदेहाचा सांगाडा जनावरे चारण्यासाठी गेलेल्या दिगंबर तामकर यांना दिसला. याबाबतची माहिती त्यांनी राधानगरी पोलिसांना दिली. कुरणेवाडी (ता. राधानगरी) येथील भाचा दिगंबर दिनकर दळवी यांनी ओळखला.
Sri Lanka Election 2024 : श्रीलंकेत राष्ट्रपतीपदाच्या निवडणुकीसाठी मतदानाला सुरुवात, सत्तापालटानंतर पहिल्यांदाच होत आहे मतदानकोलंबो : श्रीलंकेसाठी आजचा दिवस अत्यंत महत्त्वाचा आहे. कारण, आज राष्ट्रपतीपदाच्या निवडणुकीसाठी मतदानाला सुरुवात झालीये. 2022 मधील सर्वात वाईट आर्थिक मंदीनंतर श्रीलंका सरकारला जनतेच्या रोषाला सामोरे जावे लागले. राष्ट्रपतीपदाच्या निवडणुकीसाठी 38 उमेदवार रिंगणात आहेत.
BJP leader LIVE : भाजपच्या तीन नेत्यांना डीपीडीसीमधून निधी मंजूरभाजपच्या तीन नेत्यांना डीपीडीसीमधून निधी मंजूर झाला आहे. हर्षवर्धन पाटील, आशा बुचके आणि बाळा भेगडे यांना १ कोटी रुपये निधी मंजूर झाला. आशा बुचके यांनी तर थेट अजित पवारांना काळे झेंडे दाखवले होते. मात्र, हे तीन बंडखोरी करणार की काय? अशी चर्चा असतानाच डीपीडीसीतून निधी मंजूर झाल्याची चर्चा आहे. तर, कांग्रेसच्या दोन आमदार आणि शरद पवार गटाच्या एका आमदाराला निधी वाटपातून वगळलं असल्याची चर्चा आहे
PM नरेंद्र मोदींचा आजपासून तीन दिवसीय United States दौराPM नरेंद्र मोदी यांचा तीन दिवसीय United States दौरा आजपासून सुरू होत आहे. ते न्यूयॉर्कमध्ये संयुक्त राष्ट्रांच्या QUAD लीडर्स समिट आणि समिट ऑफ द फ्युचर (SOTF) मध्ये सहभागी होणार आहेत. या दौऱ्यात ते काही महत्त्वाच्या द्विपक्षीय बैठकाही घेणार आहेत.
खंडाळा : सातारा-पुणे महामार्गावरील खंबाटकी घाटात (Khambatki Ghat Accident) रात्री एक वाजण्याच्या सुमारास तामिळनाडू वरून मुंबईकडे जाणाऱ्या मालट्रकचा ब्रेक फेल झाल्याने, ट्रकने लागोपाठ चार कार गाड्यांना उडविले. या अपघातात प्रवासी किरकोळ जखमी झाले आहेत. मात्र, कोणतीही जीवितहानी झालेली नाही. इथे क्लिक करा
Kolkata Doctor Case LIVE : निवासी डॉक्टरांनी सुरू केलेले काम बंद आंदोलन मागेकोलकता : पश्चिम बंगालमधील आरजी कर रुग्णालयात महिला डॉक्टरवर झालेल्या अत्याचाराच्या निषेधार्थ राज्यातील निवासी डॉक्टरांनी सुरू केलेले काम बंद आंदोलन काल संध्याकाळी मागे घेतले. आजपासून (ता. २१) अत्यावश्यक सेवांसाठी उपलब्ध राहणार असल्याचे या निवासी डॉक्टरांनी सांगितले.
Delhi CM LIVE : केजरीवाल यांच्या राजीनाम्यानंतर आतिशी आज घेणार दिल्लीच्या नव्या मुख्यमंत्रिपदाची शपथनवी दिल्ली : दिल्लीच्या नव्या मुख्यमंत्री आतिशी आज मुख्यमंत्री पदाची शपथ घेणार आहेत. आतिशी यांच्यासोबत ५ आमदार देखील मंत्रिपदाची शपथ घेतील. गोपाल राय, कैलाश गेहलोत, सौरभ भारद्वाज आणि इम्रान हुसैन हे कॅबिनेट मंत्री म्हणून शपथ घेणार आहेत. आतिशी यांच्यासोबत हे सर्व मंत्री आज सायंकाळी ४.३० वाजता पदाची शपथ घेतील.
Governor C. P. Radhakrishnan LIVE : राज्यपाल सी. पी. राधाकृष्णन बुधवारी कोल्हापूर दौऱ्यावरLatest Marathi Live Updates 21 September 2024 : राज्यपाल सी. पी. राधाकृष्णन बुधवारी (ता.२५) जिल्हा दौऱ्यावर येत आहेत. ते त्या दिवशी शासकीय विश्रामगृह येथे दिवसभर विविध घटकांच्या प्रतिनिधींशी संवाद साधणार आहेत. तर, दिल्लीच्या नव्या मुख्यमंत्री आतिशी आज मुख्यमंत्री पदाची शपथ घेणार आहेत. तसेच यंदाच्या म्हैसूर दसऱ्याचे उद्घाटन ज्येष्ठ साहित्यिक ‘हंपना’ तथा एच. पी. नागराजय्या यांच्या हस्ते होणार आहे. राष्ट्रीय तपास संस्थेने (एनआयए) पंजाबमधील चार ठिकाणांवर छापे टाकले. तिरुपतीच्या बालाजी मंदिरातील प्रसादात जनावरांच्या चरबीचा वापर केला जात असल्याप्रकरणी केंद्र सरकारने आंध्र प्रदेश सरकारकडून माहिती मागविलीये. मध्यवर्ती काश्मीरच्या बडगाम जिल्ह्यात सीमा सुरक्षा दलाच्या (बीएसएफ) जवानांना घेऊन जाणारी बस खोल दरीमध्ये कोसळून झालेल्या भीषण अपघातात तिघाजणांचा मृत्यू झाला असून अन्य ३२ जण जखमी झाले आहेत. त्याचबरोबर राज्यातील काही भागात ढगाळ वातावरण पहायला मिळत आहे, त्यामुळे काही जिल्ह्यांत जोरदार पाऊस पडत आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
