गेल्या काही दिवसांपासून सलमान खान हा फारसा चर्चेत नव्हता. तो कोणत्या प्रोजेक्टवर काम करतोय याची देखील माहिती फारशी मिळत नव्हती. मात्र आता खुद्द सलमान खानने इन्स्टाग्रामवर एक पोस्ट करत आपल्या पुढच्या प्रोजेक्टबाबत एक हिंट दिली आहे. 

सलमान खान हा गजनीचे दिग्दर्शन एआर मुरूगादोस यांच्यासोबत सिकंदर हा चित्रपट करणार आहे. या आगामी चित्रपटासाठी सलमान खानने आपली तयारी सुरू केली आहे. त्याने जीम वर्कआऊटचा आपला एक फोटो इन्स्टाग्रामवर शेअर केला आहे. या फोटोवर चाहत्यांनी कमेंटचा पाऊस पाडला आहे. 

सलमान खान जीममध्ये बायसेप्स वर्कआऊट करताना दिसतोय. त्याचे पिळदार बायसेप्स आणि शोल्डर पाहून सलमान साठीच्या जवळ पोहचला आहे असं वाटत नाही. तो सिकंदरसाठी चांगलीच मेहनत घेत असल्याचं दिसतंय. या चित्रपटात सलमानसोबत रश्मिका मंदाना देखील झळकणार आहे. हा चित्रपट पुढच्या वर्षी ईदला चित्रपट गृहात झळकणार आहे. 

Instagram

सलमान खान गेल्या काही महिन्यांपासून मोठ्या पडद्यावरून गायब होता. तो शेवटचा एपी ढल्लोन ओल्ड मेमरी या पंजाबी अल्बमध्ये दिसला होता. त्यात त्याने संजय दत्तसोबत काम केलं होतं. याचबरोबर सलमान खानने निर्माता म्हणून डॉक्यमेंटरी सिरीज देखील प्रोड्युस केली होती. ही डॉक्यू सिरीज ही सलमानचे वडील सलीम खान आणि जावेद अख्तर यांच्या हिंदी चित्रपट सृष्टीतील कारकिर्दीवर आधारित होती. 

याचं नाव अँग्री यंग मॅन असं होतं. सलमानसोबत सलमा खान, रितेश सिधवानी, फरान अख्तर, झोया अख्तर आणि रीमा कागती यांनी ही डॉक्यू सिरीज प्रोड्युस केली आहे. 

Instagram

गेल्या वर्षी सलमान खानचे दोन चित्रपट प्रदर्शित झाले होते. पहिला किसी का भाई किसी की जान आणि दुसरा हा टायगर ३ होता. टायगर ३ चित्रपटात सलमानसोबत कॅटरिना कैफ आणि इम्रान हाश्मी देखील होते. हा चित्रपट मनीष शर्मा यांनी दिग्दर्शित केला होता. तसेच सलामान खानने शाहरूख खानच्या पठाणमध्ये देखील पाहुण्या कलाकाराची भुमिका केली होती. सलमान खान बीग बॉसचा १८ वा हंगाम देखील होस्ट करणार आहे.