सप्टेंबरच्या सुरुवातीच्या दिवसांमध्ये, बॉलीवूडचे पॉवर कपल, दीपिका पादुकोण आणि रणवीर सिंग यांच्या घरी एक छोटी परी आली. आई-वडील झाल्यानंतर दोघेही कॅमेऱ्यांपासून दूर होते आणि सार्वजनिक ठिकाणीही येत नव्हते, मात्र अलीकडेच रणवीर सिंग वडील झाल्यानंतर पहिल्यांदाच मीडियासमोर आला होता. यादरम्यान त्याने मीडियाच्या लोकांना भेटून आपला आनंदही व्यक्त केला.
रणवीर ‘युनायटेड इन ट्रायम्फ’ कार्यक्रमात सहभागी होण्यासाठी गेला होता, जिथे त्याने पापाराझींशी संवाद साधला. रणवीर सिंग जेव्हा कार्यक्रमाला आला, तेव्हा त्याने प्रथम फोटो क्लिक केले, त्यानंतर तो गेला आणि सर्वांशी हस्तांदोलन करून त्याना म्हणाला, “बाप बन गया रे.” कार्यक्रमाला येताना त्याचा आनंद त्याच्या चेहऱ्यावर स्पष्ट दिसत होता. रणवीरचा हा व्हिडिओ व्हायरल झाल्यानंतर त्याचे चाहते पोस्टवर कमेंट करताना दिसत आहेत. काही युजर्सनी त्याच्या लुकचे कौतुक केले, तर काहींनी त्याचे वडील झाल्याबद्दल अभिनंदनही केले.
गणेश चतुर्थीच्या दुसऱ्या दिवशी म्हणजेच 8 सप्टेंबरला दीपिकाने मुंबईतील रुग्णालयात मुलीला जन्म दिला. मात्र, दीपिका एक दिवस आधीच तेथे दाखल झाली होती. त्यावेळी रणवीर सिंग आणि दीपिकाचे आई-वडीलही हॉस्पिटलमध्ये उपस्थित होते. आई-वडील झाल्यानंतर, दोन्ही कलाकारांनी त्यांच्या अधिकृत सोशल मीडिया अकाउंटवर त्यांच्या मुलीच्या आगमनाबद्दल आनंद व्यक्त केला होता. त्या पोस्टमध्ये लिहिले होते, “स्वागत आहे मुलीचे 8.9. 2024 रणवीर आणि दीपिका.” या जोडप्याने अद्याप बाळाचा कोणताही फोटो पोस्ट केलेला नाही. रणवीर आणि दीपिकाचे लग्न 2018 मध्ये झाले होते.
‘युनायटेड इन ट्रायम्फ’ हा कार्यक्रम अंबानी कुटुंबाने आयोजित केला होता. हा कार्यक्रम ऑलिंपियन आणि पॅरालिम्पियन्सच्या विजयाचा आनंद साजरा करण्यासाठी आयोजित करण्यात आला होता, ज्यामध्ये 140 ऑलिंपियन आणि पॅरालिम्पियन सहभागी झाले होते. कार्यक्रमाला नितीश कुमार, हरविंदर सिंग, धरमबीर नैन, नवदीप सिंग आणि प्रवीण कुमार यांच्यासह दीपा मलिक, सानिया मिर्झा, कर्णम मल्लेश्वरी, पुलेला गोपीचंद यांसारखे क्रीडा क्षेत्रातील दिग्गज आणि रणवीर सिंग आणि कार्तिक आर्यन सारखे स्टार्स उपस्थित होते.