Shahrukh Khan: बॉलिवूडच्या ग्लॅमरस जगात लक्झरी ही मारूतीच्या शेपटासारखी.. कितीही घेतली तरी वाढणारीच. बॉलिवूडचा बादशहा शाहरुख खान याला केवळ नावाचा बादशहा नाही तर ऐश्वाराम आणि लक्झरीच्या बाबतीतही खरंच एखाद्या महाराजासारखा राहतो. आलिशान घरांपासून उंची चाकांपर्यंत सगळं असणारा हा अभिनेता खरच किंगसाइज आयुष्य जगतो. मुंबईत 200 कोटींचा त्याच्या मन्नत बंगल्यासह रोल्स रोयस कूप, शिवाय रेड चिलीज एन्टरटेन्मेंट कंपनी आणि कोलकत्ता नाईट राईडरचा कोओनर अशा तब्बल 7300 कोटी रुपयांच्या संपत्तीचा अभिनेता शाहरूख खान मालक आहे. त्याच्याकडे असणाऱ्या या 5 सर्वात अलिशान महाग गोष्टी तुम्हाला माहितीयेत का?
नुकतेच आयफा पुरस्कारांमध्ये त्यानं त्याची आणि पत्नी गौरी खानचं कौतूक केलं. या दोघांची अत्यंत यशस्वी मनोरंजन कंपनी रेड चिलीज एन्टरटेन्मेंट ही भारतातील सर्वात मोठ्या VFX निर्मात्या कंपनींपैकी आहे. इकोनॉमिक टाईम्सच्या वृत्तानुसार, या कंपनीची किंमत ५०० कोटी आहे. याव्यतिरिक्त, या कंपनीद्वारे आयपीएलचा कोलकत्ता नाईटरायडर्स या संघात ५५ टक्क्यांचा स्टेकदेखील आहे. ज्याचे ब्रँडमूल्य 718 कोटी रुपये आहे.
शाहरुख खानचा मुंबईतील वांद्रे भागात समुद्राभिमुख असणारा मन्नत बंगला हा त्याच्या चाहत्यांसह सगळ्यांच्याच जवळचा विषय. २००१ मध्ये केवळ १३ .३२ कोटींना विकत घेतलेल्या या घराची इंटिरिअर डिझायनर असलेल्या त्याच्या पत्नीनं नूतनीकरण केल्यानंतर या मालमत्तेची किंमत साधारण २०० कोटींच्या घरात आहे.
लंडनच्या पार्क लेनमधील एका लक्झरिअस अपार्टमेंटचा शाहरुख मालक आहे. फायनान्शिअर एक्सप्रेसच्या अहवालानुसार, तळमजल्यावर असणाऱ्या या अपार्टमेंटची किंमत १८३ कोटी रुपये आहे. त्याच्या मुंबईच्या निवासस्थानानंतर ही त्याची सर्वात महागडी मालमत्ता समजली जाते.
किंग खान अशी ख्याती असणारा शाहरुख खान अनेक मालमत्तांचा मालक असला तरी दुबईतील एका अलिशान व्हिलाचाही तो मालक असल्याचं इंडियाटाईम्सने म्हटलंय. या भव्य व्हिलामधून दुबई शहराची जन्नत दिसते. या व्हिलाचे नाव जन्नत आहे. त्याची किंमत साधारण १०० कोटी रुपयांच्या घरात असल्याचे सांगण्यात येतं.
शाहरुख खान हा उंची गाड्यांचा चाहता असून त्याच्याकडे एक नाही तर दोन रोल्स रॉयस कार आहेत. शिवाय रोल्स रॉयसची ब्लॅक बॅज suv ही त्याच्याकडे आहे. ज्याची किंमत १० कोटी रुपये आहे. या व्यतिरिक्त शाहरुखकडे कॅलिफोर्नियाच्या बेव्हरली हिल्स आणि दक्षिण दिल्ली येथेही प्रशस्त मालमत्ता आहेत, जे दोन्ही Airbnb वर भाड्याने उपलब्ध आहेत.
