सलमान हा या शोचा प्राण आणि चाहत्यांच्या मागणीचे निर्मातेही हे चांगलेच जाणतात आणि समजून घेतात. बिग बॉस १८ सुरु व्हायला अजून काही दिवस आहेत. पण, चर्चा आतापासूनच सुरु झाली आहे. बिग बॉस १८ मध्ये सहभागी होणाऱ्या स्पर्धकांबाबत दररोज नवनवीन माहिती समोर येत आहे. कधी एखाद्या स्टारचे नाव समोर येते. कधी दुसऱ्याचे, पण दरवर्षी मुद्दा चर्चेत राहतो तो म्हणजे सलमान खानची फी.
दरवर्षी शो होस्ट करण्यासाठी सलमानने फी वाढवल्याच्या बातम्या येत असतात. दरवर्षी नवीन आकडेही समोर येतात. अशा स्थितीत फीचा हा मुद्दा पुन्हा एकदा जोर धरु लागला आहे. भाईजानने पुन्हा एकदा फी वाढवल्याचे बोले जात आहे. सध्या सलमान खान त्याच्या आगामी चित्रपट 'सिकंदर'मध्ये व्यस्त आहे. त्याच्या बिझी शेड्युलमध्ये, सुपस्टार 'बिग बॉस १८' साठी देखील वेळ काढणार आहे. सलमानसोबत अब्दु रोजिक देखील बिग बॉस सह होस्ट म्हणून हाताळताना दिसणार आहे. रिपोर्टनुसार, 'बिग बॉस 18' येत्या ५ ऑक्टोबरपासून सुरु होणार आहे.
रिपोर्ट्सवर विश्वास ठेवला तर बिग बॉस १७ साठी सलमान खानने वीकेंडसाठी सुमारे १२ कोटी रुपये फी घेतली होती. म्हणजेच एका एपिसोडसाठी निर्मात्यांना सुमारे ६ कोटी रुपये खर्च आला आणि जर आपण महिन्याचा विचार केला तर सलमान या शोसाठी ५० कोटी रुपये घेत होता. पुन्हा एकदा सलमानने त्याची फी वाढवल्याची माहिती समोर आली आहे. बिग बॉस १८ साठी तो दर महिन्याला सुमारे ६० कोटी रुपये घेणार असल्याचे समोर आले आहे. तुम्हाला आश्चर्य वाटेल की श्रद्धा कपूर आणि राजकुमार रावच्या ब्लॉकबस्टर 'स्त्री २' चे बजेट ५०-६० कोटी रुपये आहे. सलमान खान चित्रपटाच्या बजेटएवढी फी आकारणार आहे. मात्र, या माहितीत कितपत तथ्य आहे, हे अद्याप कळलेले नाही.
View this post on Instagram
यंदाच्या हंगामात कोण सहभागी होणार आहे याची यादी अजून जाहीर करण्यात आलेली नाही. मात्र काही सोशल मीडिया इन्फ्लुएन्सर या शो मध्ये असतील याची हिंट मिळाली आहे. यात निया शर्मा, आक्रिती नेगी, दिग्विजय राठी, हर्ष बेनीवाल, जशवंत बोपन्ना, समीरा रेड्डी, करण वीर मेहरा, चाहत पांडे, अविनाश मिश्रा, शहजादा धामी हे सेलिब्रेटी असणार आहेत.
View this post on Instagram
प्रत्येक हंगामात बिग बॉस स्पर्धकांची काळजीपूर्वक निवड करते. त्यामुळे मनोरंजनाचा एक वेगळाच तडका या शोमधून मिळत असतो. यात अभिनेते, गायक, सोशल मीडिया इन्फ्लएन्सर यांचा देखील समावेश असतो.
विजेत्यांना काय मिळणार (what will the winners get?)बिग बॉसच्या यंदाच्या हंगामातील विजेत्याला ५० लाख रूपये मिळण्याची शक्यता वर्तवली जात आहे. गेल्या हंगामात कॉमेडियन मुन्नवर फारूकीने ट्रॉफी जिंकली होती. त्याला देखील ५० लाखांच बक्षीस मिळालं होतं. याचबरोबर बिग बॉस हा स्पेशल मनी टास्क देखील देतं. त्याच्यावर स्पर्धकांची फायनल प्राईस मनी वर खाली होत असते.
View this post on Instagram