GST Cut: GST दर सुलभ करण्यासाठी स्थापन करण्यात आलेल्या मंत्र्यांच्या गटाने (GOM) शनिवारी 20 लिटर पाण्याच्या बाटल्या, सायकली आणि वह्यांवरील कर दर कमी करून पाच टक्के करण्याचा निर्णय घेतला. याशिवाय, जीओएमने महागडी घड्याळे आणि बुटांवर कर वाढवण्याची सूचना केली, असे एका अधिकाऱ्याने सांगितले. बिहारचे उपमुख्यमंत्री सम्राट चौधरी यांच्या नेतृत्वाखाली जीएसटी दर तर्कसंगतीकरणावर गठित GOM च्या या निर्णयामुळे 22,000 कोटी रुपयांचा महसूल लाभ होईल. या शिफारशींवर अंतिम निर्णय जीएसटी कौन्सिल घेईल अशी माहती अधिकाऱ्याने दिली.

पाण्याच्या बाटल्या आणि वह्यांवरील जीएसटी होणार कमी 20 लिटर आणि त्याहून अधिक क्षमतेच्या पाण्याच्या बाटल्यांवरील जीएसटी 18 टक्क्यांवरून 5 टक्क्यांपर्यंत कमी करण्याची सूचना GOMने केली. याशिवाय वह्यांवरील जीएसटी 12 टक्क्यांवरून 5 टक्के करण्याची शिफारसही करण्यात आली आहे.

सायकलवरील जीएसटीही होणार कमीत्याचप्रमाणे 10,000 रुपयांपेक्षा कमी किमतीच्या सायकलींवरील जीएसटी 12 टक्क्यांवरून 5 टक्क्यांवर आणण्याची सूचना करण्यात आली आहे.

शूज, घड्याळांवर वाढणार GST15,000 रुपयांपेक्षा जास्त किमतीच्या शूज आणि 25,000 रुपयांच्या वरच्या घड्याळांवर जीएसटी 18 टक्क्यांवरून 28 टक्क्यांपर्यंत वाढवण्याची सूचनाही GOM ने केली.


मुदतीचा जीवन विमा, ज्येष्ठ नागरिकांसाठी आरोग्य विमा करमुक्त होण्याची शक्यताटर्म लाइफ इन्शुरन्स आणि हेल्थ इन्शुरन्ससाठी जेष्ठ नागरिकांनी भरलेले प्रीमियम करमुक्त होऊ शकतात. एका वरिष्ठ अधिकाऱ्याने शनिवारी ही माहिती दिली. जीवन आणि आरोग्य विम्यावरील जीएसटी दराबाबत निर्णय घेण्यासाठी शनिवारी मंत्र्यांच्या गटाची बैठक झाली. यादरम्यान, ज्येष्ठ नागरिकांव्यतिरिक्त इतर व्यक्तींसाठी 5 लाख रुपयांपर्यंतच्या कव्हरेजसह आरोग्य विम्यासाठी भरलेल्या प्रीमियमला जीएसटीमधून सूट देण्याचा निर्णय घेण्यात आला. या संदर्भात अंतिम निर्णय जीएसटी कौन्सिल घेईल.

सध्या 18% GST आकारला जातो5 लाखांपेक्षा जास्त आरोग्य विमा संरक्षणासाठी भरलेल्या प्रीमियमवर 18 टक्के जीएसटी लागू राहील. सध्या, टर्म पॉलिसी आणि 'फॅमिली फ्लोटर' पॉलिसींसाठी भरलेल्या जीवन विमा प्रीमियमवर 18 टक्के GST आकारला जातो. एका अधिकाऱ्याने सांगितले की, GOM सदस्यांनी विमा प्रीमियमवरील दर कमी करण्यास मोठ्या प्रमाणावर सहमती दर्शविली. अंतिम निर्णय जीएसटी कौन्सिल घेईल.

ज्येष्ठ नागरिकांना मिळणार मोठा दिलासा बिहारचे उपमुख्यमंत्री सम्राट चौधरी म्हणाले की, मंत्री गटातील प्रत्येक सदस्याला लोकांना दिलासा द्यायचा आहे. ज्येष्ठ नागरिकांवर विशेष लक्ष दिले जाईल. आम्ही परिषदेला अहवाल सादर करू. अंतिम निर्णय कौन्सिल घेईल. तथापि, ज्येष्ठ नागरिकांसाठी, कव्हरेज रक्कम विचारात न घेता, भरलेल्या विमा प्रीमियमवर कोणताही जीएसटी लावण्यात येणार नाही.