Mumbai bjp live: मुरजी पटेल देवेंद्र फडणवीस यांच्या भेटीला
अंधेरी पूर्व येथून इच्छुक मुरजी पटेल देवेंद्र फडणवीस यांच्या भेटीला
भाजपकडून अंधेरी पूर्व येथे पोटनिवडणुकीत मुरजी पटेल यांनी भरला होता अर्ज
Maharashtra Assembly elections 2024 Live Updates: जास्तीत जास्त नागरिकांनी मतदान करावं यासाठी मानवी साखळीच्या माध्यमातून करण्यात आली मतदार जागृतीवर्ध्यात आगामी विधानसभा सार्वत्रिक निवडणुकीत जास्तीत जास्त नागरिकांनी मतदान करावं यासाठी मानवी साखळीच्या माध्यमातून करण्यात आली मतदार जागृती.
CM Eknath Shinde Live Updates: मुख्यमंत्री एकनाथ शिंदे यांनी पोलीस स्मृती दिनानिमित्त पोलीस कर्मचाऱ्यांना पुष्पांजली वाहिलीमहाराष्ट्राचे मुख्यमंत्री एकनाथ शिंदे यांनी पोलीस स्मृती दिनानिमित्त कर्तव्य बजावताना आपल्या प्राणांची आहुती देणाऱ्या पोलीस कर्मचाऱ्यांना पुष्पांजली वाहिली.
Women's T20 World Cup Live Updates: दक्षिण आफ्रिकेवर मात करत न्यूझीलंडनं पहिल्यांदाच जिंकलं विश्वविजेतेपदमहिलांच्या टी-ट्वेंटी विश्वचषक क्रिकेट स्पर्धेत दक्षिण आफ्रिकेवर मात करत न्यूझीलंडनं पहिल्यांदाच जिंकलं विश्वविजेतेपद.
Maharashtra Weather LIVE : कोकण, मराठवाड्यासह मध्य महाराष्ट्रात आज जोरदार पावसाची शक्यता; हवामान विभागाचा अंदाजहवामान विभागाने आज कोकणामधील रत्नागिरी, सिंधुदुर्ग, पालघर, ठाणे, मुंबई, रायगड या जिल्ह्यांमध्ये तर मध्य महाराष्ट्रात पुणे, सांगली, सातारा, कोल्हापूर, सांगली, सोलापूर, नंदुरबार, धुळे , जळगाव, नाशिक, अहिल्यानगर, मराठवाड्यामधील छत्रपती संभाजीनगर, जालना, बीड, धाराशिव, लातूर, नांदेड आणि बुलडाणा, अकोला, अमरावती, वाशीम, यवतमाळ या जिल्ह्यांमध्ये विजांच्या कडकडाटासह पावसाचा इशारा दिला आहे.
Sambra Airport LIVE : सांबरा विमानतळावर बॉम्बस्फोट घडविण्याची धमकी धमकीबेळगाव : बेळगावातील सांबरा विमानतळावर बॉम्बस्फोट घडविण्याची धमकी इमेलद्वारे देण्यात आली आहे. याची गंभीर दखल घेऊन विमानतळासह परिसराची विशेष पथकाद्वारे तपासणी करण्यात आली. यावेळी कोणत्याही स्वरूपाची संशयास्पद वस्तू आढळून आली नाही, असे पोलिस आयुक्तालयाकडून सांगण्यात आले. दरम्यान, धमकी ईमेलनंतर विमानतळ परिसरात बंदोबस्त वाढविला असून, याप्रकरणी अज्ञाताविरोधात मारीहाळ पोलिस ठाण्यात गुन्हा दाखल करून तपास सुरू केला आहे.
Police Commemoration Day LIVE : पोलीस स्मृती दिनानिमित्त राज्यपाल राधाकृष्णन, मुख्यमंत्री शिंदेंनी पोलीस जवानांना वाहिली आदरांजलीमुंबई: महाराष्ट्राचे राज्यपाल सीपी राधाकृष्णन आणि मुख्यमंत्री एकनाथ शिंदे यांनी आज पोलीस स्मृती दिनानिमित्त कर्तव्य बजावताना आपल्या प्राणांची आहुती देणाऱ्या पोलीस जवानांना आदरांजली अर्पण केली.
पट्टणकोडोली : महाराष्ट्रासह पाच राज्यांत प्रसिद्ध असणारी व लाखो भाविकांचे दैवत श्री विठ्ठल बिरदेवाची यात्रा सोमवार (ता. २१) होत असल्याने गावात लाखो भाविकांनी हजेरी लावलेली आहे. यामुळे गावात भक्तिमय वातावरण निर्माण झाले आहे. दरवर्षीप्रमाणे यावर्षी सुद्धा पारंपरिक पद्धतीने यात्रा पार पाडण्यासाठी समस्त पुजारी धनगर समाज व ग्रामपंचायतीने मोठ्या उत्साहाने सर्व नियोजन केले आहे. यात्रेतील मुख्य सोहळा म्हणजे फरांडे बाबांची भाकणूक होय. ही भाकणूक सोमवारी (ता. २१) होणार असल्याने लाखो भाविकांनी पट्टणकोडोली येथे हजेरी लावली आहे.
Halsiddhnath Yatra LIVE : कर्नाटक-महाराष्ट्रातील लाखो भाविकांचे श्रद्धास्थान असणाऱ्या हालसिद्धनाथ यात्रेचा आज मुख्य दिवसम्हाकवे : कर्नाटक-महाराष्ट्रातील लाखो भाविकांचे श्रद्धास्थान असणाऱ्या आप्पाचीवाडी-कुर्ली येथील हालसिद्धनाथ यात्रेच्या तिसऱ्या दिवशी हजारो भाविक दर्शनासाठी दाखल झाले आहेत. सकाळी व संध्याकाळी सात वाजता मानकरी, पुजारी, यात्रा समितीच्या उपस्थितीत आरती झाली. दिवसभर मंदिरात विविध धार्मिक कार्यक्रम झाले. सोमवारी (ता. २१) यात्रेचा मुख्य दिवस असल्याने या ठिकाणी गर्दी होत आहे. दोन-तीन दिवसांत कर्नाटक महाराष्ट्रातून लाखो भाविक येथे दर्शनाला आले आहेत.
Mumbai-Goa Highway LIVE : मुंबई-गोवा महामार्गावर मोठी दुर्घटना टळली, ज्वलनशील रसायनने भरलेल्या टँकरने घेतला पेटपाली : मुंबई-गोवा महामार्गावर रविवारी (ता. 20) रात्री माणगाव तालुक्यातील घोटवळ गावाजवळ मोठी दुर्घटना टळली. ज्वलनशील रसायन भरलेल्या टँकरने अचानक पेट घेतला. मात्र, चालकाच्या प्रसंगावधानतेमुळे व स्थानिक बचाव पथक आणि अग्निशमन दलाच्या तत्परतेमुळे ही आग आटोक्यात आणल्याने मोठी दुर्घटना टळली. यावेळी येथील वाहतूक काही काळ थांबविण्यात आली होती.
Maharashtra Assembly Elections LIVE : विधानसभेचा महासंग्राम उद्यापासून, अर्ज भरण्याला होणार प्रारंभLatest Marathi Live Updates 21 October 2024 : महाविकास आघाडीसह महायुतीमध्ये जागावाटपाबाबत चर्चा अंतिम टप्प्यात आल्याचे सांगितले जात असतानाच भाजपने काल विधानसभा निवडणुकीसाठी ९९ उमेदवारांची पहिली यादी जाहीर करत उमेदवार निवडीमध्ये आघाडी घेतली आहे. आज 'मविआ'ची पहिली यादी जाहीर होण्याची शक्यता आहे. विधानसभा निवणुकीसाठी मंगळवारपासून (ता. २२) उमेदवारी अर्ज दाखल करण्यास सुरुवात होणार आहे. तर, ‘उमेदवार उभे करायचे की इतरांचे पाडायचे हे ठरवू’, असा यापूर्वी इशारा देणारे मराठा आरक्षण आंदोलनाचे नेते मनोज जरांगे-पाटील यांनी अखेर विधानसभेच्या निवडणुकीत उतरण्याचा निर्णय घेतला आहे. तसेच राज्यातील काही भागात ढगाळ वातावरण असून पुढील दोन-तीन दिवस हवामान विभागाने पावसाची शक्यता वर्तवली आहे. यासह देश आणि राज्यातील महत्त्वाच्या घडामोडी तसेच वाहतूक कोंडी, राजकीय घडामोडी, क्रीडा, मनोरंजन, मान्सून या सर्व घडामोडींचे अपडेट जाणून घ्या एका क्लिकवर..
