Viral Video: सोन पापडी ही अनेकांना खायला आवडते. परंतु सोनपापडी कशी बनवली जाते याची काही कल्पना आहे का? सध्या सोशल मीडियावर असे अनेक व्हिडीओ हे व्हायरल होताना दिसत आहेत. जे पाहून तुम्हालाही आश्चर्याचा धक्का बसल्याशिवाय राहणार नाही. अशाप्रकारे सोन पापडी तयार होत असेल तर तुम्हीही परत सोनपापडी खाण्याची हिम्मत करणार नाही. यावेळी सोन पापडीचे पीठ त्याने जमिनीवर मळले जाते आहे मग अशाप्रकारे त्याला पॅक केले जाते आहे की ते पाहून तुम्हीही शंभर वेळा सोनपापडी खाण्याचा विचार कराल.

सोन पापडी ही चौकोन्या आकाराची कुरकुरीत मिठाई आहे. सणासुदीला ही मिठाई आवर्जून खाल्ली जाते. त्यातून नातेवाईकांना आणि मित्रमैत्रीणींना आपण सणावाराला ही मिठाई भेट म्हणूनही देतो. यात ड्रायफ्रुट्स घातले जातात. अर्ध्या तासात ही मिठाई बननून तयार होते. फक्त डाएट करणाऱ्यांनी थोडी काळजी घेतली पाहिजे कारण यात भरपूर प्रमाणात कॅलरीज असतात. यात फॅट्स, कार्बोहायड्रेट्स, साखर आणि कोलेस्ट्रेरॉलही असते. बेसन, तूप, मैदा, साखर, दूधापासून सोनपापडी तयार केली जाते. ही खाल्याने ती लगेचच तोंडात विरघळते.

आता लवकरच दिवाळी येते आहे. त्यातूनही आता ही मिठाई नक्कीच अनेकांच्या घरी तयार होत असेल. खरंतर सोनपापडी म्हटलं की आपल्या तोंडाला पाणी सुटल्याशिवाय राहणार नाही परंतु हा व्हिडीओ पाहून तुम्ही कदाचित शंभर वेळा विचार कराल. दिवाळीआधी सावधगिरी म्हणून तुम्ही हा व्हिडीओ नक्कीच पाहू शकता.

सध्या व्हायरल होणाऱ्या काही व्हिडीओत तुम्ही पाहू शकता की, यावेळी जमिनीवरच सोनपापडीचे मीठ मळले जाते आहे त्याचसोबतच सोनपापडी तयार करताना त्याने हातात हँड ग्लोवजही घातले नाहीयेत. त्यातून अस्वच्छताही प्रचंड पाहायला मिळते आहे. त्यामुळे नेटकरीही हायजिनवरून प्रश्न उपस्थित करत आहेत. सध्या हा व्हिडीओ सोशल मीडियावर चांगलाच व्हायरल झाला आहे.

नेटकरी या व्हिडीओखाली नानातऱ्हेच्या कमेंट्स करताना दिसत आहेत. खरंतर स्वयंपाकघरात स्वयंपाक करताना शिस्तीने काम करावे लागते त्यातून स्वच्छताही फार गरजेची आहे. परंतु अशा काही व्हिडीओत हे पाहायला मिळत नाही. मग ते खारी बिस्किट्स असोत, मिठाई असो वा चायनीज असो. अन्नपदार्थांमध्ये सुरक्षितता जाणवत नाही. सोबतच यामुळे आपल्याला अनेक रोगही होण्याची शक्यता असते. आपले पोटही खराब होते आणि असे पदार्थ आपल्या एकंदरीतच आरोग्यासाठी चांगले नाहीत.