Kamal Haasan birthday : 

कमल हसन आज ( दि. ०७ नोव्हेंबर) ७० वर्षाचे झाले आहेत. आज त्यांच्या वाढदिवसादिवशीच ठग लाईफ या त्यांच्या आगामी चित्रपटाच्या निर्मात्यांनी मोठी घोषणा केली. या चित्रपटाचे दिग्दर्शन हे मणी रत्मन यांनी केलं आहे. निर्मात्यांनी या चित्रपटाचा टीझर रिलीज केला आहे. तसेच या चित्रपटाची रिलीज डेट देखील जाहीर करण्यात आली आहे. त्यामुळे कमल हसन यांच्या चाहत्यांना त्यांच्या वाढदिवसादिवशीच एक आनंदाची बातमी समजली आहे. 

मणी रत्मन दिग्दर्शित आणि कमल हसन स्टारर ठग लाईफ हा चित्रपट ५ जून २०२५ रोजी थिएटरमध्ये रिलीज होणार आहे. या चित्रपटाचे निर्माते राज कमल फिल्म इंटरनॅशनलने कमल हसन यांच्या वाढदिवसादिवशीच या चित्रपटाचा टीझर रिलीज केला. शेअर करण्यात आलेल्या पोस्टमध्ये 'त्याची स्टोरी त्याचा रूल' अस कॅप्शन देण्यात आलं आहे. 

हेही वाचा : Samantha Ruth Prabhu : सोशलवर समांथाच्या वेट लॉसचीच चर्चा... अखेर अभिनेत्रीने सांगितलं तिला झालाय 'हा' दुर्मिळ आजार

ठग लाईफच्या टीझरचा व्हिडिओ हा ४४ सेकंदाचा आहे. हा व्हिडिओ तमिळ, इंग्लिश, तेलुगू, कन्नड आणि मल्याळम भाषेत रिलीज करण्यात आला आहे. या व्हिडिओवरून हा चित्रपट दमदार असणार अशी लोकांची धारणा झाली आहे. मात्र या टीझरवरून चित्रपटाचं कथानक कसं असेल याची कोणताही कल्पना येत नाही. या चित्रपटात कमल हसन सोबतच सिलामबरसन टीआर यांची देखील भूमिका असणार आहे. 

ठग लाईफ मध्ये त्रिशा कृष्णन, जोजू जॉर्ज, अली फझल, अशोक सेलवन, पंकज त्रिपाठी, नासर, अभिरामी गोपीकुमार, ऐश्वर्या लक्ष्मी, जिशू सेनगुप्ता, सानिया म्हलोत्रा, रोहित सराफ आणि विजयपूरी यांनी देखील काम केलं आहे. या चित्रपटाचं संगीत हे एआर रेहमान यांनी दिलं आहे. अनबारीव यांनी अॅक्शन सिक्वेन्स दिग्दर्शित केले आहेत. 

Instagram

गेल्या वर्षी कमल हसन यांच्या वाढदिवसादिवशीच चित्रपटाच्या टीमने चित्रपटाचं नाव जाहीर केलं होतं. तीन मिनिटाच्या या व्हिडिओमध्ये ठग लाईफचं थीम साँग रिलीज करण्यात आलं होतं. कमल हसन आणि मणी रत्नम हे १९८७ नंतर पहिल्यांदाच एकत्र काम करत आहेत. त्यावेळी त्यांनी नायकन हा चित्रपट केला होता. 

ठग लाईफचे शूटिंग या वर्षी जानेवारी पासून सुरू झालं होतं. सप्टेंबर महिन्यात या चित्रपटाचं शूटिंग पूर्ण झालं. दुलकर सलमान आणि जयम रवी हे दोघं आधी या चित्रपटात काम करणार होते. मात्र सिलमबरसन आणि अशोक यांनी या दोघांना रिप्लेस केलं आहे. 

हेही वाचा : Chhaava Vs Pushpa 2 : विक्की कौशलचा 'छावा' एकटा येणार! पुष्पासोबतचा बॉक्स ऑफिस क्लॅश टळला

कमल हसन यांची मुलगी श्रुती हसनने वडिलांना सोशल मीडियावरून वाढदिवसाच्या शुभेच्छा दिल्या आहेत. ती आपल्या पोस्टमध्ये लिहिते की, 'अप्पा वाढदिवसाच्या शुभेच्छा! तुम्ही दुर्मिळ आहात. तुमच्यासोबत चालणे ही माझ्या आयुष्यातील एक आवडती गोष्ट आहे. मला माहिती आहे की तुमचा देवावर विश्वास नाही. मात्र तुम्ही परमेश्वराचे खास निवडलेले मुल आहात. तुम्ही केलेल्या जादुई गोष्टी पाहण्यासाठी मी कायम उत्सुक असते. तुम्ही असेच अनेक वाढदिवस साजरे कारल ही सदिच्छा. अनेक स्वप्ने तुमच्या आयुष्यात यावीत. लव्ह यू सो मच पा!'