पाय आणि अंगठ्याचे सुजणे ही एक सामान्य समस्या आहे. या स्थितीमध्ये असलेल्या लोकांना सांधेदुखी, चालण्या-फिरण्यात येणारा त्रास अशा समस्या निर्माण होतात. थंडी सुरू होताच अनेक लोकांमध्ये शारीरिक बदल पाहायला मिळतात. ज्यात पाय आणि अंगठ्याचे सुजणे या समस्याही समाविष्ट आहेत.
हिवाळ्यात तापमान कमी झाल्यामुळे पाय आणि बोटांमध्ये सूज येऊ लागते.
थंड वातावरण हातापायांच्या रक्तवाहिन्यांना संकुचित करते. ज्यामुळे हातापायांमधील रक्तप्रवाह कमी होऊ लागतो. रक्ताभिसरण अर्थात ब्लड सर्क्युलेशन कमी झाल्यामुळे फ्लुइड रिटेंशन होऊ शकतं आणि परिणामी सूज येऊ लागते.
थंड तापमानामुळे पेरिफेरल एडिमा होण्याचाही धोका संभवतो. ही एक अशी स्थिती आहे. जिथे पायाच्या खालचा भाग आणि हात यांच्यामध्ये एक्स्ट्रा फ्लुइड जमा होऊ लागतं. याचाच परिणाम म्हणून हातापायांना सूज येते. ही समस्या वृद्ध, वयस्कर आणि गर्भवती महिलांमध्ये सामान्य आहे.
ही एक खूप चुकीची धारणा आहे की केवळ उन्हाळ्यातच लोकांना हायड्रेटेड राहण्याची आवश्यकता असते. थंडीमध्येही हायड्रेटेड राहण खूप गरजेचं असतं. डिहायड्रेशनमुळे शरीरातील सोडियम वाढतं आणि हे सूज निर्माण करण्यासाठी कारणीभूत ठरतं. ज्यामुळे टिश्यूमध्ये फ्लुइड जमा होऊ लागतं.
थंडीच्या ऋतूमध्ये फारशी शारीरिक हालचाल केली जात नाही. ज्यामुळे जीवनशैली स्थिर होते. शारीरिक हालचाली कमी झाल्यामुळे ब्लड सर्क्युलेशनवर त्याचा नकारात्मक परिणाम पडतो. या स्थितीमुळे शरीरातील पाणी कमी होतं. ज्यामुळे हातापायांच्या बोटांवर सूज वाढू लागते.
थंडीच्या ऋतूमध्ये, व्यक्ती कंफर्ट फूडस खाऊ लागते. ज्यामध्ये सहसा सोडियमचे प्रमाण जास्त असते. जास्त मिठामुळे पाण्याची कमतरता निर्माण होते. यामुळेही हातापायांवर सूज येऊ शकते.
थंड वातावरण शरीरातील अंतर्गत तापमान समतोल राखण्यासाठी हात आणि पायातील रक्तवाहिन्यांना आकुंचित करतं. यामुळे रक्तवाहिन्यांच्या आतील बाजूचा दबाव वाढतो. ज्यामुळे टिश्यूच्या आसपासच्या बाजूला फ्लुइडचे लिकेज होऊ शकते. आणि याचाच परिणाम म्हणून नंतर सूज येऊ शकते.
थंडीच्या ऋतूमध्ये शरीरातील हार्मोन्सचे प्रमाण प्रभावित होते. कोर्टीसोलसारखे हार्मोन्स जे तणावाशी संबंधित आहेत. ते फ्लुइड बॅलेन्सला प्रभावित करतात. आणि त्यामुळेच हातापायांना सूज येते.
चिलब्लेन ही एक त्वचेची अशी स्थिती आहे जिथे थंड हवेच्या संपर्कात आल्यामुळे रक्तवाहिन्यांना सूज येते. ही स्थिती गंभीर आहे कारण यामुळे हातपाय सुन्नदेखील पडतात आणि शरीराच्या सालीही निघू शकतात.
संधिवाताने त्रस्त असलेल्यांसाठी हिवाळा हा अत्यंत कठीण ऋतू आहे. उतरत्या तापमानासोबत रक्ताभिसरण हळूहळू होऊ लागतं. ज्याचा परिणाम म्हणजे मांसपेशीचं दुखणं, सांध्यांना सूज येणे अशा समस्या निर्माण होतात.
या स्थितीमुळे थंड किंवा तणावांच्या स्थितीमध्ये रक्तवाहिन्या अत्याधिक आकुंचित पावतात. ज्यामुळे रक्तप्रवाह कमी होतो आणि सूज येण्याचा धोका वाढतो.
हिवाळ्यात लोक उबदार आणि आरामदायक बूट निवडू शकतात. फिट न होणारे किंवा आधार नसलेले बूट ब्लड सर्क्युलेशनमध्ये बाधा निर्माण करू शकतात. ज्यामुळे पायांना सूज येते.
हेही वाचा : Stair workout benefits : पायऱ्या चढून झटपट वजन करा कमी
संपादन- तन्वी गुंडये
