Bollywood Entertainment News : सध्या भारतात अनेक सिनेमांची निर्मिती केली जाते. पण सध्या ओटीटीचं प्रस्थ वाढल्यामुळे सिनेमागृहात जाणारा प्रेक्षकवर्ग तुलनेने घटला आहे. 2024 मध्ये अनेक बिग बजेट सिनेमे रिलीज झाले. पण यातील कोणत्या सिनेमाने सगळ्यात जास्त कमाई केली जाणून घेऊया.

या वर्षात स्त्री 2 हा सिनेमाला सगळ्यात जास्त प्रसिद्धी मिळाली. पण या सिनेमाने सगळ्यात जास्त कमाई केली नाही. या सिनेमाने कमाई खूप केली पण या यादीत या सिनेमाला दुसऱ्या क्रमांकावर समाधान मानावं लागलं. पहिल्या क्रमांकावर आला नाग अश्विनने दिग्दर्शित केलेला कल्की 2898 एडी हा सिनेमा.

या सिनेमात अनेक दाक्षिणात्य कलाकारांच्या भूमिका होत्या. तर दीपिका पदुकोण, प्रभास आणि अमिताभ बच्चन यांच्या मुख्य भूमिका होत्या. कलियुगातील कलीबरोबरची लढाई आणि कल्कीचा जन्म याची गोष्ट या सिनेमात पाहायला मिळाली. प्रभासने भैरवा ही भूमिका साकारली होती.

कल्की 2898 AD या सिनेमाने 1200 करोड रुपयांची कमाई केली. 550 करोड रुपये या सिनेमाचं बजेट होतं. कमल हासन, दिशा पाटनी, शोभना, एसएस राजामौली, विजय देवरकोंडा दुल्कर सलमान या कलाकारांनी या सिनेमात पाहुण्या कलाकाराची भूमिका साकारली होती.

तर स्त्री 2 ने आतापर्यंत 874.58 करोड रुपयांची कमाई केली आहे. या सिनेमात पंकज त्रिपाठी, श्रद्धा कपूर, राजकुमार राव, आयुष्मान खुराना आणि अभिषेक बॅनर्जी यांच्या मुख्य भूमिका होत्या. तर अक्षयकुमारने या सिनेमा पाहुण्या कलाकाराची भूमिका साकारली होती.