விசிகவைச் சேர்ந்தவரும் பிரபல லாட்டரி தொழிலதிபர் மார்ட்டினின் மருமகனுமான ஆதவ் அர்ஜுனாவுக்கு சொந்தமான கோவை துடியலூரில் உள்ள இடங்களில் இன்று காலை முதல் மத்திய தொழில் பாதுகாப்பு படையினரின் பாதுகாப்புடன் அமலாத்துறையினர் சோதனையில் ஈடுபட்டு வருகின்றனர். 

இன்று காலை முதல் சென்னையிலும் விடுதலை சிறுத்தைகள் கட்சியின் துணை பொதுச்செயலாளர் ஆதவ் அர்ஜுனாவுக்கு சொந்தமான இடங்களில் அமலாக்கத்துறையினர் சோதனை நடத்தி வருகின்றனர். 

மேலும் கோவை துடியலூரில் உள்ள பிரபல தொழிலதிபர் லாட்டரி மார்ட்டினின் இல்லம் , அலுவலகங்களிலும் அமலாக்கத்துறையினர் சோதனை செய்து வருகின்றனர். 

சென்னை மற்றும் கோவையில் இன்று அதிகாலை முதலே இந்த சோதனை நடைபெற்று வருவது விசிகவினரிடையே பரபரப்பை ஏற்படுத்தியுள்ளது.