Champions Trophy 2025 : 

पाकिस्तानात होणाऱ्या चॅम्पयन्स ट्रॉफीत भारताने खेळण्यास स्पष्टपणे नकार दिला आहे. भारतीय संघ पाकिस्तानात खेळणार नाही असं बीसीसीआयने आयसीसीला स्पष्ट शब्दात कळवलं आहे. त्यामुळे आयसीसी हायब्रीड पद्धतीने चॅम्पियन्स ट्रॉफी खेळवण्याबाबत विचार करत आहे. मात्र पाकिस्तान क्रिकेट बोर्डाला हे मान्य नाहीये. 

अशातच आयसीसी चॅम्पियन्स ट्रॉफी पाकिस्तानातून शिफ्ट करणार असे वृत्त गेल्या दोन दिवसांपासून माध्यमांमध्ये येत आहे. मात्र आयसीसीने चॅम्पियन्स ट्रॉफीचा चषक हा पाकिस्तानात टूरसाठी पाठवून संभ्रम निर्माण केला आहे. आयसीसी अधिकाऱ्याने सांगितले की, 'चॅम्पियन्स ट्रॉफीची टूर ही ज्या ठिकणी सामने होणार आहेत त्या पाकिस्तानमधील महत्वाच्या शहरातून होणार आहे.'  

हेही वाचा : Tilak Varma India Vs South Africa : तिलक वर्मानं कर्णधाराच्या रूममध्ये जात मागितली त्याचीच जागा.... स्कायनं सांगितलं पुढं इतिहास कसा घडला

Instagram

आयसीसीने भारताने पाकिस्तानात खेळण्यास नकार दिल्यानंतर पाकिस्तान क्रिकेट बोर्डाकडून हायब्रीड मॉडेलबद्दल मत मागवलं आहे. याचं अजून उत्तर मिळालेलं नाही. दरम्यान, ट्रॉफीचं अनावरण हे या महिन्यात लाहोर येथे होणार होतं. मात्र हा कार्यक्रम पुढे ढकलण्यात आला. याला भारताने कळवलेला निर्णय आणि लाहोर शहरातील स्मॉगची स्थिती पाहून हा निर्णय घेण्यात आला होता. 

मात्र आज गुरूवारी आयसीसीच्या दुबईतील मुख्यालयातून चॅम्पियन्स ट्रॉफी इस्लामाबादला आणण्यात आली आहे. चॅम्पियन्स ट्रॉफीची टूर ही २४ नोव्हेंबरला संपणार आहे. आयसीसी अशी टूर चॅम्पियन्स ट्रॉफीबाबत उत्सुकता वाढवण्यासाठी आयोजित करते. चॅम्पियन्स ट्रॉफीची सुरूवात ही १९ फेब्रुवारी पासून होण्याची शक्यता आहे. तसेच ही स्पर्धा ९ मार्च पर्यंत चालण्याची शक्यता आहे. 

हेही वाचा : Arjun Tendulkar : आज खुश तो होंगे तुम... सचिनच्या पठ्ठ्याने मिळवला मानाचा पंजा, रणजी ट्रॉफीत केली खास कामगिरी

आयसीसीने अजून वेळापत्रकाबाबत अधिकृत घोषणा केलेली नाही. याला देखील भारताने पाकिस्तानमध्ये खेळण्यास नकार दिल्याचे कारण आहे. पाकिस्तानचे माजी कर्णधार मोईन खान म्हणाले की, 'जर स्पर्धा कुठं होणार आहे हेच माहिती नाही तर ट्रॉफी टूर आयोजित करून तुम्ही करणार काय? भारत - पाकिस्तान या स्पर्धेत एकमेकांविरूद्ध खेळणार की नाही हे देखील अजून माहिती नाही. स्पर्धेचं वेळापत्रक जाहीर न होताच ट्रॉफी टूर होत आहे हे खूप विचित्र आहे.'