मुंबई : बोनस शेअर्स देणाऱ्या कंपन्यांच्या शेअर्समध्ये गुंतवणूक करणाऱ्या गुंतवणूकदारांसाठी एक आनंदाची बातमी आहे. गरवारे टेक्निकल फायबर्स लिमिटेड (Garware Technical Fibers) ने बोनस शेअर्स देण्याचा निर्णय घेतला आहे. कंपनी एका शेअरवर 4 शेअर्स बोनस म्हणून देईल. कंपनीने गुरुवारी याची घोषणा केली होती. 4 मोफत शेअर्स गरवारे टेक्निकल फायबर्स लिमिटेडने शेअर बाजारांना दिलेल्या माहितीत म्हटले आहे की, 10 रुपये दर्शनी मूल्य असलेल्या एका शेअरवर पात्र गुंतवणूकदारांना 4 शेअर्स बोनस म्हणून दिले जातील. कंपनीने अद्याप या बोनस इश्यूची रेकॉर्ड तारीख जाहीर केलेली नाही. गरवारे टेक्निकल फायबर्स लिमिटेडने पहिल्यांदाच गुंतवणूकदारांना बोनस शेअर्स देणार आहे. शेअर्सची कामगिरी गुरुवारी गरवारे टेक्निकल फायबर्स लिमिटेडचे शेअर्स बीएसईवर 3.47 टक्क्यांच्या वाढीसह 3951.60 रुपयांवर बंद झाले. गेल्या 6 महिन्यांत कंपनीच्या शेअर्सच्या किमतीत 22.69 टक्क्यांनी वाढ झाली आहे. त्याच वेळी एक वर्षासाठी शेअर्स ठेवलेल्या गुंतवणूकदारांना आतापर्यंत 26 टक्के नफा मिळाला आहे. ज्या गुंतवणूकदारांनी 5 वर्षांपासून शेअर्स धारण केला आहे त्यांना आतापर्यंत 243 टक्के परतावा मिळाला आहे. त्याचबरोबर 10 वर्षांपासून कंपनीचे शेअर्स असलेल्या गुंतवणूकदारांना आतापर्यंत 2100 टक्के नफा झाला आहे. लाभांशाचे वाटपगरवारे टेक्निकल फायबर्स लिमिटेडने सप्टेंबर महिन्यात एक्स-डिव्हिडंड स्टॉक म्हणून व्यवहार केला. त्यानंतर गुंतवणूकदारांना एका शेअरवर 3 रुपये लाभांश मिळाला. त्याच वेळी, मार्च महिन्यात कंपनीने शेअर्स बायबॅक केले होते. कंपनीने 2023 मध्ये 3.50 रुपयांचा लाभांश दिला होता.