गुळूंचे, ता. १५ : नीरा (ता. पुरंदर) येथील रयत संकुलातील लीलावती रिखवलाल शहा कन्या विद्यालयात गुरुवारी (ता. १४) पंडित जवाहरलाल नेहरू यांच्या जयंतीनिमित्त बाल दिन उत्साहात साजरा करण्यात आला. यावेळी पंडित जवाहरलाल नेहरू यांच्या प्रतिमेचे पूजन विद्यालयाच्या मुख्याध्यापिका निर्मला नायकोडी यांच्या हस्ते करण्यात आले.
विद्यालयातील सांची बनसोडे, पूर्वा जाधव, भक्ती बंडगर, श्रेया भोसले, श्रेया कहार, श्रेया अधटराव, ईश्वरी पवार, आशना मुजावर, सिद्धी कांबळे, समीक्षा धायगुडे, आकांक्षा शहा, अनुराधा ठाकूर या विद्यार्थिनींनी मनोगत व्यक्त केले. यावेळी
पालक, शिक्षक, विद्यार्थिनींकडून मतदान जनजागृतीबाबत प्रतिज्ञा म्हणून घेण्यात आली.
यावेळी उपशिक्षक संदीप शिंदे यांनी मुलींना पंडित जवाहरलाल नेहरू यांचे जीवनकार्य व बालदिनाचे महत्त्व सांगितले. सूत्रसंचालन अक्सा मुलाणी व ज्ञानदा धायगुडे या विद्यार्थिनींनी केले. श्रावणी गारडे, मनस्वी गायकवाड या विद्यार्थिनींनी आभार मानले.