एकीकडे पाकिस्तान आर्थिक संकटात असल्याच्या बातम्या झळकत असतात. पाकिस्तानातील गरीबीचा उल्लेख वारंवार बातम्यात होत असतो. परंतू असे असतानाही तेथील एका भिक्षेकरी कुटुंबाने आपल्या आजीच्या 40 वे श्राद्ध घातले त्यात एक कोटी रुपये खर्च केले आहेत. 20 हजार लोक या मेजवाणीला हजर होते. या संदर्भातील एक व्हिडीओ सोशल मिडीयावर देखील झळकत आहे. ही दावत चर्चेचा विषय ठरली आहे.
पाकिस्तानच्या गुंजारावाला येथील भिक्षा मागून जगणाऱ्या कुटुंबाने आजीच्या 40 व्या श्राद्धाच्या जेवणाचा कार्यक्रम इतक्या भव्य प्रमाणात साजरा केला की पाहणारे देखील हैराण झाले आहेत. या दावतीला आम्ही संपूर्ण पाकिस्तानाला जेवण घातल्याचा दावा या कुटुंबाने केला आहे. या मेजवाणीत मटण बिर्याणी, मुरब्बा, कोल्ड ड्रींक आणि छोटा गोश्त असे पदार्थ वाढल्याचे म्हटले जात आहे.
या मेजवाणीची सुरुवात पारंपारिक नाश्त्याने झाली. सायंकाळी मेजवाणीत खास चविष्ठ खाद्यपदार्थ वाढण्यात आले. यासाठी 250 बकरे कापण्यात आले.यात कोमल मटण, नान मटरगंज सारखा गोड भात होता. गाजर, सफरचंदाच्या अनेक डीश वाढण्यात आल्या. अनेक प्रकारची पेय देखील वाढण्यात आली.
हा भव्य मेजवाणी सोहळा गुजरांवाला येथील कॅट परिसरातील रहवाली रेल्वे स्थानकाजवळ आयोजित केलेला होता. यावेळी हजारोंच्या संख्येत आलेल्या पाहुण्यांना खास शामियात बसवून जेवण वाढण्यात आले. या मेजवाणीतील वारेमाफ खर्च पाहून यांना भिकारी कुटुंबाची लाईफ स्टाईल चर्चेत आली आहे. या भिकारी कुटुंबाकडे अचानक एवढा पैसा आला कोठून यावर आता चर्चा होत आहेत.
