Ashwin vs Lyon: यांच्यात 5 सामन्यांची कसोटी मालिका खेळवली जाणार आहे. या मालिकेतील पहिला सामना 22 नोव्हेंबरला पर्थमध्ये होणार आहे. या मालिकेसाठी दोन्ही संघांनी आपला संघ जाहीर केला आहे. दोन्ही संघांसाठी ही मालिका खूप महत्त्वाची असणार आहे. या मालिकेदरम्यान केवळ भारत आणि ऑस्ट्रेलिया यांच्यात चुरशीची स्पर्धा होणार नाही, तर भारताचा आर अश्विन आणि ऑस्ट्रेलियाचा नॅथन लायन यांच्यातही विशेष स्पर्धा होणार आहे. यावेळी अश्विनचा एक खास विक्रम धोक्यात आला आहे. या दोन गोलंदाजांमध्ये काय टक्कर होणार आहे ते जाणून घेऊयात.

अश्विनसमोर लायनचे आव्हान

टीम इंडियाचा स्टार फिरकी गोलंदाज आर अश्विनने भारतीय संघाला अनेक सामन्यांमध्ये एकहाती विजय मिळवून दिला आहे. बॉर्डर-गावस्कर करंडक स्पर्धेदरम्यान अश्विनला ऑस्ट्रेलियाच्या नॅथन लायनचा सामना करावा लागणार आहे. यावेळी कसोटी क्रिकेटमध्ये सर्वाधिक विकेट्स घेण्याची चुरस लागणार आहे. आर अश्विनच्या नावावर सध्या 105 सामन्यांच्या 199 डावांमध्ये 536 विकेट आहेत. तर नॅथन लियॉनने ऑस्ट्रेलियाकडून 129 सामन्यांच्या 242 डावात 530 विकेट घेतल्या आहेत. नॅथन लायन 7 विकेट घेताच अश्विनला मागे टाकू शकतो. मात्र, या मालिकेदरम्यान अश्विनही खेळताना दिसणार आहे.




अश्विनचा विक्रम धोक्यात

कसोटी क्रिकेटमध्ये सर्वाधिक विकेट्स घेणाऱ्या सक्रिय गोलंदाजांच्या यादीत आर अश्विन सध्या पहिल्या स्थानावर आहे. या यादीत नॅथन लिऑन दुसऱ्या स्थानावर आहे. नॅथन लायनमुळे अश्विनचा नंबर 1 चा मुकुट धोक्यात आला आहे. सर्वाधिक कसोटी बळी घेणाऱ्या गोलंदाजांच्या यादीत अश्विन सातव्या स्थानावर आहे. तर लायन 8 व्या क्रमांकावर आहे. भारत आणि ऑस्ट्रेलिया यांच्यात खेळल्या गेलेल्या कसोटी मालिकेतील पाचही सामन्यांमध्ये अश्विन प्लइंग 11 चा भाग असणे खूप अवघड आहे, मात्र लायन ऑस्ट्रेलियासाठी सर्व सामने खेळू शकतो. त्यामुळेच अश्विनचा विक्रम धोक्यात आला आहे.

बॉर्डर-गावस्कर ट्रॉफीसाठी भारताचा संघ

रोहित शर्मा (कर्णधार), जसप्रीत बुमराह (उपकर्णधार), यशस्वी जैस्वाल, अभिमन्यू इसवरन, शुभमन गिल, विराट कोहली, केएल राहुल, ऋषभ पंत (विकेटकीपर), सरफराज खान, ध्रुव जुरेल (यष्टीरक्षक), रविचंद्रन अश्विन, रवींद्र जडेजा, मोहम्मद सिराज, आकाश दीप, प्रसिद्ध कृष्णा, हर्षित राणा, नितीश कुमार रेड्डी, वॉशिंग्टन सुंदर. राखीव : मुकेश कुमार, नवदीप सैनी, खलील अहमद.

भारत आणि ऑस्ट्रेलिया यांच्यातील कसोटी मालिकेचे वेळापत्रक

पहिली कसोटी - 22-26 नोव्हेंबर, पर्थ
दुसरी कसोटी - 6-10 डिसेंबर, ॲडलेड
तिसरी कसोटी - 14-18 डिसेंबर, ब्रिस्बेन
चौथी कसोटी - 26-30 डिसेंबर, मेलबर्न
पाचवी कसोटी - 3-7 जानेवारी, सिडनी