Sports News in Marathi: ऑस्ट्रेलिया दौऱ्यावर गेलेल्या भारताकडून कर्णधार रोहित शर्मा पहिल्या सामन्यात खेळणार नसल्याचे स्पष्ट झाले आहे, केएल राहुलही दुखापतीतून सावरल्याचे समजत आहे. त्याचबरोबर नुकताच रणजी ट्रॉफीचा पहिला टप्पाही संपला आहे. अशा अनेक अपडेट्स दिवसभरात आल्या असून त्याबाबत थोडक्यात जाणून घ्या.

AUS vs IND: कर्णधार रोहित शर्मा ऑस्ट्रेलिया दौऱ्यातील पहिल्या कसोटीत खेळणार नाही, हे आता स्पष्ट झाले आहे. याशिवाय शुभमन गिलही दुखापतीमुळे पहिला सामना खेळणार नाही. त्यामुळे नितीश रेड्डी पदार्पणासाठी सज्ज आहे.

SMAT 2024-25: आगामी सय्यद मुश्ताक अली टी-२० ट्रॉफी स्पर्धेसाठी मुंबई संघाचे कर्णधारपद श्रेयस अय्यर याच्याकडे सोपवण्यात आले आहे. या संघात अजिंक्य रहाणेलाही संधी दिली आहे, तर पृथ्वी शॉ याचीही निवड झाली आहे.

Rishabh Pant: कार अपघात झाल्यानंतर काही दिवसांत मी रिषभ पंतला रुग्णालयात भेटायला गेलो होतो. तेव्हा त्याची परिस्थिती पाहून धक्का बसला होता, असं रवी शास्त्रींनी सांगितलं आहे.

Pakistan Cricket: पाकिस्तान क्रिकेट संघासाठी कोणताच प्रशिक्षक गेल्या काही महिन्यांपासून टिकत नसल्याचे दिसून येत आहे. आता पुन्हा एकदा प्रशिक्षक बदलण्याच्या तयारीत पाकिस्तान क्रिकेट बोर्ड आहे.