'पुष्पा २: द रूल' हा वर्षातील सर्वाधिक चर्चेत असलेला चित्रपट आहे. चाहत्यांची उत्सुकता शिगेला पोहोचली असून निर्मात्यांनी नुकतेच ट्रेलर लाँचसाठी पाटणा शहराची निवड केली आहे. रविवारी गांधी मैदानावर भव्य कार्यक्रम पार पडला. कलाकारांनी चाहत्यांशी संवाद साधला असून प्री-रिलीज सेलिब्रेशनही झाला. चित्रपटाचा ट्रेलर रविवारी सायंकाळी डिजिटल प्लॅटफॉर्मवर प्रदर्शित झाला.

हिंदी ट्रेलर टी-सिरीज चॅनलवर तर तेलुगु, तामिळ, मल्याळम, कन्नड आणि बंगाली ट्रेलर्स संबंधित यूट्यूब चॅनेल्सवर उपलब्ध आहेत. ट्रेलरचे २ मिनिटे ४४ सेकंदांचे दृश्य चाहत्यांच्या अपेक्षा उंचावणार आहे, असे निर्मात्यांनी जाहीर केले आहे. सुकुमार यांच्या दिग्दर्शनाखाली बनलेला हा चित्रपट चंदनतस्कर पुष्पा राजच्या संघर्षाची आणि त्याच्या साम्राज्याची कहाणी आहे. २०२१ मध्ये प्रदर्शित झालेला 'पुष्पा: द राईज' हा पहिला भाग प्रचंड हिट ठरला होता. दुसऱ्या भागात पुष्पा राज आणि एसपी भंवर सिंह यांच्यातील संघर्ष अधिक तीव्र होणार आहे.

५ डिसेंबरला प्रदर्शित होणाऱ्या या चित्रपटात अल्लू अर्जुन, रश्मिका मंदान्ना, फहाद फासिल यांच्यासोबतच प्रकाश राज आणि जगपती बाबूसारखे कलाकार झळकणार आहेत. आता पुन्हा एकदा अभिनेता अल्लू अर्जुन त्याच्या पुष्पा राज या व्यक्तिरेखेने लोकांची मने जिंकण्याच्या तयारीत आहे. पुष्पा चित्रपटाच्या पार्ट 2 चा ट्रेलर पाहिल्यानंतर असे म्हणता येईल की, 'पुष्पा राज' पुन्हा एकदा पेटणार आहे.

चित्रपटाच्या दुसऱ्या भागात कथा पुढे नेण्यात आली आहे. अल्लू अर्जुनची व्यक्तिरेखा लपत असून सर्वजण त्याचा शोध घेत असल्याचे या चित्रपटात पाहायला मिळणार आहे. पुष्पा चित्रपटाचा भाग २ चा ट्रेलर पाहिल्यानंतर असे म्हणता येईल की पुष्पा राज पुन्हा एकदा धमाल करणार आहे. ट्रेलरमध्ये अनेक संवाद ऐकायला मिळत आहेत, जे चित्रपटगृहांमध्ये खूप टाळ्या आणि शिट्ट्या निर्माण करतील.

फायर नहीं वाइल्ड फायर, नेशनल नहीं, इंटरनेशनल खिलाड़ी। पुष्पा राजचे असे मजेदार संवाद ट्रेलरमध्ये ऐकायला मिळाले. पुष्पा राज आणि श्रीवल्ली यांची जबरदस्त स्टाइल पुष्पा २ मध्ये पाहायला मिळत आहे. ट्रेलर पाहिल्यानंतर प्रेक्षकांनीही आपल्या प्रतिक्रिया देण्यास सुरुवात केली आहे.

देसी हिंदी प्रेक्षकांमध्ये 'पुष्पा' ची लोकप्रियता हा एक मोठा समूह आहे. ज्याचा निर्मात्यांनी 'पुष्पा 2' साठी पुरेपूर वापर केलाय. 'पुष्पा 1: द राइज'ने बिहार आणि यूपीच्या सिंगल स्क्रीनवर चांगला व्यवसाय केला. तुम्हाला आठवत असेल तर एका प्रादेशिक गायकाने चित्रपटातील 'श्रीवल्ली' या गाण्याचे भोजपुरी व्हर्जनही गायले होते. जे रातोरात प्रचंड गाजले. अलीकडेच RRR स्टार राम चरणने लखनऊमध्ये त्याच्या आगामी 'गेम चेंजर' चित्रपटाचा टीझर लॉन्च कार्यक्रमही केला. पण पाटणासारख्या सामान्य देसी हिंदी बाजारात, वर्षातील सर्वात मोठ्या चित्रपटांपैकी एक असलेल्या 'पुष्पा 2'चा ट्रेलर लॉन्च कार्यक्रम म्हणजे अल्लू अर्जुनचा थेट संदेश प्रेक्षकांना - 'मी तुम्हाला मनोरंजन देण्यासाठी येथे आहे'.