Pushpa 2 Trailer Release In Patna : 

दाक्षिणात्य चित्रपसृष्टीचा सुपरस्टार अल्लू अर्जुन आणि रश्मिका मंधाना यांचा पुष्पा २ द रूल हा चित्रपट ५ डिसेंबरला रिलीज होणार आहे. आज (रविवार) या चित्रपटाचा ट्रेलर रिलीज करण्यात आला. जरी हा चित्रपट दाक्षिणात्य कथानकावर बेतलेला असला तरी हा चित्रपट हिंदीसह अनेक भाषांमध्ये डब करण्यात येणार आहे. त्यामुळे हिंदी पट्ट्यातील प्रेक्षकांना आपल्याकडे खेचण्यासाठी अल्लू  अर्जुनच्या पुष्पा २ चा ट्रेलर हा पटना इथं लाँच करण्यात आला. 

पुष्पा २ चा ट्रेलर रिलीज होताच त्याच्यावर लोकांच्या उड्या पडल्या. या ट्रेलरमध्ये अल्लू अर्जुन सोबतच रश्मिका मंधाना आणि फहाद फासिल यांनी देखील लोकांचे लक्ष वेधून घेतलं. 

हेही वाचा : Pakistani Chaiwala On Shark Tank : निळ्या डोळ्यांचा व्हायरल चायवाला आला शार्क टँकमध्ये; लाईफ स्टोरी सांगत मिळवली मोठी

अल्लू अर्जुनच्या पुष्पा २ चित्रपटाचा ट्रेलर रिलीज झाला. या ट्रेलरची सर्व चाहते चातकासारखी वाट पाहत होते. या ट्रेलरमध्ये अल्लू अर्जुन जबरदस्त अॅक्शन सिक्वेन्स करताना दिसत आहे. तसेच त्याचे डायलॉग देखील दमदार आहेत. पुष्पा नेशनल खिलाडी समजे क्या? हा डायलॉग तर लोकांनी डोक्यावर घेतला आहे. 

Here's #Pushpa2TheRuleTrailer

Telugu - https://t.co/imNWIcDFFa

Hindi - https://t.co/0bDtwkk0eN pic.twitter.com/EIg2VzNP3g

— Allu Arjun (@alluarjun) November 17, 2024

याचबरोबर पहिल्या भागातील फायर हैं मैं या डायलॉगमध्ये दुसऱ्या भागात मॉडिफेकेशन करण्यात आलं आहे. आता पुष्पा फायर नही वाईल्डफायर हैं मैं असा ढासू डायलॉग म्हणताना ट्रेलरमध्ये दिसत आहे. अल्लू अर्जुनच्या पुष्पा २ ला पुष्पाच्या पहिल्या भागापेक्षा दुप्पट प्रतिसाद मिळेल असा अंदाज वर्तवला जात आहे. 

हेही वाचा : 'हेरा फेरी'च्या बाबूरावांची संपत्ती किती, जाणून घ्या परेश रावल यांची संपत्ती

सुकुमार यांचे दिग्दर्शन लाभलेला हा चित्रपट ५ डिसेंबरला चित्रपटगृहात रिलीज होणार आहे. पुष्पाचा पहिला भाग हा २०२१ मध्ये आला होता. त्याला चाहत्यांचा प्रचंड प्रतिसाद मिळाला होता. त्याने बॉक्स ऑफिसवर चांगलं कलेक्शन केलं होतं. आता पुष्पा २ द रूलकडून निर्मात्यांना रेकॉर्ड ब्रेक कमाईची अपेक्षा आहे. 

आधी हा चित्रपट छावासोबत ६ डिसेंबरला रिलीज होणार होता. मात्र त्यानंतर पुष्पाने आपली तारीख बदलत चित्रपट एक दिवस आधी रिलीज करण्याचा निर्णय घेतला. याचबरोबर छावा देखील पुष्पा२ सोबत थेट संघर्ष टाळण्याचा प्रयत्न करणार आहे. छावा देखील ६ डिसेंबरला रिलीज न करण्याचा निर्णय चित्रपटाच्या निर्मात्यांनी घेतला होता.