Kalicharan Maharaj Maharashtra Vidhan Sabha Election: काँग्रेस अँड कंपनीकडे मुस्लिमांनी मागणी केली आहे. केंद्र सरकार आणत असलेल्या वफ्फ बोर्ड कायद्यात सुधारणा आणावी, अशी मागणी मुस्लिमांनी केली आहे. परंतु हे हिंदुस्तान आहे, हिंदूच स्थान आहे, असं विधान कालीचरण महाराज (Kalicharan Maharaj) यांनी केलं आहे. छत्रपती संभाजीनगरमधील महायुतीचे उमेदवार संजय शिरसाट यांच्या प्रचारसभेत कालीचरण महारज बोलत होते.
आपण मतदानासाठी जात नाही, त्यामुळे मुस्लिम धार्जिणे लोक राजा बनू लागले. मुस्लिमांना खुश करण्याचा प्रयत्न होत आहे, कारण ते मतदानात सहभागी होतात. मौलाना एकतर्फी मतदान करण्याचे आवाहन करतात. सर्व आमदार-खासदार मुस्लिमांचे तळवे चाटतात. मी तुम्हाला तुकडे टाकेल, मग लाडकी बहीण योजना, रोजगार देऊ, असे तुकडे टाकून तुम्हाला खुश ठेवू...फुकटात काहीतरी तुकडे टाकायचं असे सर्वच राजकीय पक्ष वापरतात. फुकटात वापरणाऱ्या लोकामध्ये सर्वात जास्त मुस्लिम असतात. पण ज्यांची कातडी सोलली जाते ते हिंदू आहेत, असं कालीचरण महाराज (Kalicharan Maharaj) यांनी म्हटलं आहे. दरम्यान, अहिंसा संभव नाही, हिंसा करावीच लागते, त्यामुळे सर्व देव देवी हिंसक आहे. छत्रपती शिवाजी महाराजांनी धर्म रक्षणासाठी राक्षस मारले, असंही कालीचरण महाराज म्हणाले.
हिंदू लोक मतदानालाच जात नाही, मग राजा कोण येणार, तर मुसलमानाचे पाय चाटणारा...हिंदू मतदान करतील तर हिंदू कट्टर राजा बसेल, असं विधानही कालीचरण महारज यांनी केलं आहे. जर तुम्ही पेट्रोल, दरवाढ, भाववाढसाठी मतदान करताल मग राजा कोण बसणार?, असा सवालही कालीचरण महाराजांनी उपस्थित केला. हिंदू व्होट बँकांची क्रांती पाहिजे. 100 टक्के दंगली मुसलमानांकडूनच होतात, असा दावाही कालीचरण महाराज यांनी केलं आहे.
आता एक आंदोलन हिंदूमध्ये फूट पाडण्यासाठी झालं. लाखो लोक मुंबईत आले. मग त्यांचा नेता चादडा निघाला.. काही जातीपातीसाठी आरक्षणसाठी नाही तर ,फक्त हिंदुत्व तोडण्यासाठी निघालेला राक्षस आहे, अशी टीका कालीचरण महाराज यांनी मनोज जरांगेंवर नाव न घेता केली.
