साऊथ सुपरस्टार अल्लू अर्जुनचा बहुप्रतिक्षित चित्रपट पुष्पा 2: द रुल चा ट्रेलर नुकताच लाँच झाला आहे. ट्रेलर रिलीज होताच चाहत्यांमध्ये मोठा उत्साह निर्माण झाला आहे. अल्लू अर्जुनच्या दमदार परफॉर्मन्स आणि ट्रेलरमधील भव्य दृश्ये पाहता, हा चित्रपट 100% ब्लॉकबस्टर ठरेल, असा विश्वास प्रेक्षकांमध्ये दिसत आहे.
instagram
अल्लू अर्जुन आणि रश्मिका मंदान्ना यांच्या 'पुष्पा 2: द रुल' या चित्रपटाचा ट्रेलर आज पाटणा, बिहारमध्ये लाँच झाला आहे. अल्लू अर्जुनचा तोच स्वॅग ट्रेलरमध्ये दिसत आहे जो त्याच्या पहिल्या भागात पुष्पा मध्ये दिसला होता.ट्रेलरमध्ये अल्लू अर्जुनचा लूक पहिल्याच क्षणी प्रेक्षकांना थक्क करून टाकतो. ‘पुष्पा 2’ मध्ये त्याचा स्टाइल आणि अॅटिट्यूड अधिक जबरदस्त आहे. "पुष्पा झुकेगा नही" हा डायलॉग ट्रेलरच्या केंद्रस्थानी असून, तो प्रेक्षकांच्या हृदयात घर करून जातो.
चित्रपटाच्या ब्लॉकबस्टर होण्याची 5 प्रमुख कारणे 1.अल्लू अर्जुनचा परफॉर्मन्सअल्लू अर्जुनच्या अभिनयाचा चाहता वर्ग प्रचंड मोठा आहे. त्याने पुष्पा: द राईज मध्ये ज्या पद्धतीने स्वतःला सादर केले, त्याला संपूर्ण भारतभरात दाद मिळाली होती. या भागात त्याचा अभिनय आणखी प्रभावी दिसत आहे, जो चित्रपटाला मोठ्या उंचीवर नेईल. चित्रपटाचा ट्रेलर पाहून त्याच जुन्या आठवणी पुन्हा ताज्या झाल्या.
2. सुकुमारचे दिग्दर्शन
दिग्दर्शक सुकुमार यांनी पहिल्या भागात अप्रतिम कथा आणि व्यक्तिरेखा निर्माण केली होती. या भागात त्यांचा दृष्टिकोन आणि भव्यता आणखी विस्तारलेली दिसते.
3. सिनेमॅटोग्राफी आणि ॲक्शन सीक्वेन्सट्रेलरमधील दृश्ये आणि ॲक्शन सीन्स नेत्रदीपक आहेत. जंगलातली भव्य सेटिंग्स, चकमकीचे प्रसंग आणि अचूक कोरियोग्राफी चित्रपटाला एका वेगळ्या पातळीवर नेतील. चित्रपटाचा ट्रेलर पाहिल्यानंतर तुम्हाला समजले की चित्रपटातील प्रत्येक दृश्य उत्कृष्ट छायांकनाने भरलेले आहे. कॅमेऱ्याचा अँगल असा ठेवण्यात आला आहे की पुष्पा आणखीनच वाइल्ड दिसते. ट्रेलरमध्ये दिसणाऱ्या ॲक्शनवरून असे दिसून येते की, यावेळेस ॲक्शनचा दर्जा मागील चित्रपटापेक्षा खूपच चांगला झाला आहे.
4. डीएसपीचे संगीत
संगीतकार देवी श्री प्रसाद यांचा संगीत चित्रपटाचा आत्मा आहे. ट्रेलरमध्ये पार्श्वसंगीत खूप प्रभावी आहे, ज्यामुळे प्रेक्षक चित्रपटाकडे अधिक आकर्षित होतात.
5. कथा आणि इमोशनल अँगल चित्रपटाचे संवादट्रेलरमध्ये पुष्पाच्या वैयक्तिक आणि व्यावसायिक जीवनातील संघर्ष दाखवण्यात आला आहे. त्याचा कुटुंबीयांवरील प्रेम आणि सत्तेसाठीची लढाई या दोन्ही गोष्टी कथेला भावनिकदृष्ट्या ताकदवान बनवतात. त्याचबरोबर चित्रपटातील संवाद आहे उत्तम आहेत.
हेही वाचा :Kanguva Box Office Collection Day 2: सूर्या-बॉबी देओलच्या चित्रपटाची मोठी घसरण, कमाई सिंगल डिजिटमध्ये
प्रेक्षकांचा उत्साहसोशल मीडियावर ट्रेलरला भरघोस प्रतिसाद मिळत आहे. #Pushpa2TheRule हा हॅशटॅग ट्रेंडिंगमध्ये असून, प्रेक्षकांनी ट्रेलरचे कौतुक केले आहे. चित्रपट 1000 कोटींच्या कमाईचा नवा इतिहास घडवेल, अशीही चर्चा आहे. अल्लू अर्जुन पुष्पाच्या भूमिकेत दिसत आहे तर श्रीवल्लीच्या भूमिकेत रश्मिका मंदाना आणि फहद फासिल देखील पोलिस अधिकाऱ्याच्या भूमिकेत दिसत आहे.
हेही वाचा :Khushi Kapoor : खुशी कपूरच्या बीच व्हेकेशन पार्टीत मुलांना नो एन्ट्री
पुष्पा 2: द रुल हा चित्रपट फक्त साऊथचा नाही, तर संपूर्ण देशाच्या प्रेक्षकांना आकर्षित करण्यासाठी तयार झाला आहे. अल्लू अर्जुनचा दमदार अभिनय, सुकुमारचे दिग्दर्शन, आणि डीएसपीचे संगीत या तिन्ही गोष्टी चित्रपटाला ब्लॉकबस्टर बनवण्यासाठी पुरेशा आहेत.पुष्पा २: द रुल हा चित्रपट यावर्षी ५ डिसेंबरला प्रदर्शित होणार आहे. या चित्रपटाचे दिग्दर्शन सुकुमार यांनी केले आहे, ज्यांनी पहिल्या भागाचे दिग्दर्शन केले होते. या चित्रपटाची निर्मिती Mythri Movie Makers ने Sukumar Writings च्या सहकार्याने केली आहे. एए फिल्म्सचे अनिल थडानी यांनी चित्रपटाच्या वितरणाची जबाबदारी घेतली आहे.
