Taarak Mehta Ka Ooltah Chashmah Contro : 'तारक मेहता का उल्टा चष्मा' मालिका कायम कोणत्या न कोणत्या कारणामुळे चर्चेत असते. अलिकडच्या काही काळात ही मालिका निगेटिव्ह कारणामुळे जास्त चर्चेत आली आहे. आता पुन्हा एकदा ही मालिका वादामुळे प्रसिद्धीझोतात आली आहे. 'तारक मेहता का उल्टा चष्मा' मालिकेतील जेठालाल म्हणजे अभिनेते दिलीप जोशी आणि शोचे निर्माते असितकुमार मोदी यांच्या जोरदार भांडण झाल्याच्या बातम्या सध्या समोर येत आहेत. या वादाचा मुद्दा सोशल मीडियावर चर्चेत असून प्रचंड व्हायरल होत आहे. आता आत्माराम भिडे आणि बापूजी यांनी यावर प्रतिक्रिया दिली आहे.
अभिनेता दिलीप जोशी आणि असित मोदी यांच्या भांडण झाल्याच्या बातम्या सोशल मीडियावर व्हायरल होत असताना आता आत्माराम भिडे आणि बापूजींनी यावर प्रतिक्रिया दिली आहे. आत्माराम भिडेची भूमिका साकारणारा अभिनेता मंदार चांदडकर याने याबाबत सांगितलं आहे की, "असं काहीही झालेले नाही". अभिनेता दिलीप जोशी आणि असित मोदी यांच्यात कोणतंही भांडण झालं नसल्याचं मंदार चांदवडकर यांनी स्पष्ट केलं आहे. इंडियन एक्सप्रेसला दिलेल्या मुलाखतीत त्याने हे वक्तव्य केलं आहे.
मीडिया रिपोर्टनुसार, अभिनेते दिलीप जोशी यांचा शोचे निर्माते असित कुमार मोदी यांच्यासोबत मोठा वाद झाला होता. या बातम्या सोशल मीडियावर प्रचंड व्हायरल होत आहे. 'तारक मेहता का उल्टा चष्मा' मालिकेमध्ये शिक्षक आत्माराम भिडेची भूमिका करणारा अभिनेता मंदार चांदवडकर याबद्दल प्रतिक्रिया देताना म्हणाला की, "काय मूर्खपणा आहे? या अफवा कोणी पसरवल्या? आम्ही सर्वजण अगदी शांततेने आणि आनंदाने शूटिंग करत आहोत".
दिलीप जोशी आणि असित मोदी यांच्यात बाचाबाची झाल्याच्या बातम्या समोर येत आहेत. मीडिया रिपोर्टनुसार, जेव्हा दिलीप जोशी यांनी काही दिवसांची रजा मागितली होती, तेव्हा असित मोदींनी हे टाळलं, त्यामुळे अभिनेता दिलीप जोशी संतापले. दिलीप जोशी यांनी ऑगस्टमध्ये काही दिवसांची रजा मागितली होती, तेव्हा हे भांडण झाल्याचं बोललं जात आहे. रिपोर्टनुसार, दोघांमधील वाद इतका पेटाला की, कॉलरला हात घालत त्यांची जोरदार हाणामारी झाल्याची चर्चा आहे. मात्र, शोमधील इतर कलाकारांना या भांडणाबद्दल विचारले असता त्यांनी या वृत्ताचे खंडन करत त्या बातम्या खोट्या असल्याचं म्हटलं आहे.
मिळालेल्या बातमीनुसार, शोमध्या गोलीची भूमिका साकारणार कुश शाह याच्या शूटिंगच्या शेवटच्या दिवशी ही घटना घडली. संतापलेल्या दिलीप जोशी यांनी असित कुमारची कॉलर पकडली आणि शो सोडण्याची धमकीही दिली. नंतर असित मोदींनी त्यांना शांत करण्याचा प्रयत्न केला, असंही सांगितलं जात आहे. मीडिया रिपोर्टमध्ये असंही म्हटलं आहे की, दिलीप जोशी आणि असित यांच्यात सेटवर अनेकदा जोरदार वाद होतात.
