Maharashtra Assembly Elections 2024 : राज्यभरात उद्या म्हणजेच 20 नोव्हेंबर रोजी विधानसभा निवडणुका पार पडणार आहेत. (Vidhan Sabha Elections 2024) निवडणुकांच्या वेळी मतदार हा अतिशय महत्त्वाचा घटक असतो. मतदारांनी दिलेल्या मतांवर नेते निवडून येतात. निवडणुका जाहीर झाल्या की मतदार यादी देखील जाहीर होते आणि ही मतदार यादी प्रत्येक वेळी बदलत असते. काही वेळा अचानक बऱ्याच जणांची नावं मतदार यादीतून गहाळ होतात, त्यामुळे मतदार यादीत तुमच नाव आहे का? तसेच, मतदान ओळखपत्र नसेल तर कसं मतदान करायचं? त्यासाठी इतर कोणते ओळखपत्र असावेत? हे तुम्ही घरबसल्या देखील अगदी सोप्या ऑनलाईन पद्धतीने तपासून घेऊ शकता. यामुळे ऐनवेळी तुमचा गोंधळ होणार नाही.
1. मतदारांना मतदार यादीतील आपलं नाव शोधता यावं, तसेच मतदान केंद्र शोधता यावं यासाठी निवडणूक आयोगाने विशेष संकेतस्थळ उपलब्ध करुन दिल आहे. त्यासाठी सर्वात आधी तुम्ही भारतीय निवडणूक आयोगाच्या या लिंकवर क्लिक करा - https://electoralsearch.eci.gov.in/
